اسلام آباد ۔ 31جنوری (اے پی پی) قومی احتساب بیورو نا چیئرمین جسٹس (ر) جاوید اقبال پارینے کہ نیب ادارہ نا کارکڑدگی ٹی گچینی کن تینا انویسٹی گیشن آفیسر و پراسیکیوٹرآتا پوسکن وڑوڈول آتیا تربیت ءِ بے کچ اہمیت ایتک، نیب انا آفیسر و پراسیکیوٹر آتا کسبی گچینی ءِ پک کننگ کن جامع تربیتی پلان اس جوڑ کرینے ، نیب انا غٹ علاقائی بیوروتیٹی ٹریننگ سنٹرز جوڑ کننگانے ہرا تینا تعلقدار علاقائی بیورو تیٹی سلاہ ئی سرجزآتیا عملدرآمد نا زموار ءُ، اکاءونٹس نا باندات، جنرل فنانشل رولز، ایف آر ، ایس آر، سوالیہ دستاویز آتا ڈیجیٹل فرانزک و فنگر پرنٹ آتا جاچ انا بابت ریفریشر و کیپسٹی بلڈنگ کورسز وضع کننگانے تانکہ آب و یکسانیت ءِ پک کننگ مرے ۔ داخیال آتا درشانی ءِ او نیب ہیڈکوارٹرز اٹ ٹریننگ، آپریشن و پراسیکیوشن ڈویژن نا کارکڑدگی نا بابت جاچ دیوان آن تران کرسا کرے ۔ اوپارے کہ نیب انا تفتیشی آفیسر و پراسیکیوٹرزآتا آب اٹ گچینی کن تربیت نا اہم ءُ کڑد اسے، نیب ملک انا انسداد بدعنوانی نا بڑزکو ادارہ ءِ ہرادے ملک آن بدعنوانی نا چٹفنگ نا زمواری تننگانے ۔ اوپارے کہ نیب انسانی وسیلہ غاتا شونداری ءِ بے کچ اہمیت ایتک ، نیب غٹ علاقائی بیورو تیٹی ٹریننگ سیلز جوڑ کننگانے ہرا کہ تینا تعلقدار علاقائی بیورو تیٹی سلاہ ئی سرجز آتیا عملدرآمد نا زموار ءُ، نیب ہیڈ کوارٹرز اٹ ٹریننگ اینڈ ریسرچ ڈویژن نا رداٹ ٹریننگ آف ٹرینرز ہم اڈتننگک ۔ قومی احتساب بیورو نا چیئرمین جسٹس (ر) جاوید اقبال پارے کہ نیب تینا افرادی قوت نا آب ءِ برقرار تخنگ و اوٹی گچینی کن تربیت ءِ فوقیت ایتک، غٹ انویسٹی گیشن آفیسر آتے کن آب اٹو سلپس اس ٹہیفنگانے ۔ اکاءونٹس نا باندات، جنرل فنانشل رولز، ایف آر، ایس آر، سوالیہ دستاویز آتا ڈیجیٹل فرانزک و فنگر پرنٹ آتا جاچ انا بابت ریفریشر و کیپسٹی بلڈنگ کورسز وضع کننگانے تانکہ آب و یکسانیت ءِ پک کننگ مرے ۔ داڑان نیب انا ایس او پیز، کانود و قاعدہ و ضابطہ غا عملدرآمد اٹ کمک رسینگک وخت اس کہ تربیتی پروگرام ہدف آتیا عملدرآمد نا ہم پدریسہ جاچ ءِ ہلنگک و آخبت نا تربیتی گرج آتا رداٹ گچینی اتنگک ۔
