اسلام آباد ۔ 31جنوری (اے پی پی) وزیراعظم عمران خان تون پشاور زلمی نا چیئرمین جاوید آفریدی جمعہ نادے آ داڑے اوڑدہی کرے ۔ اوڑدہی ٹی گوازی تیان تعلقدار باندات آتیا گپ و تران کننگا ۔ وزیراعظم آفس نا میڈیا ونگ آن جاری بیان نا رداٹ داوخت آ گپ و تران کرسا وزیراعظم عمران خان پارے کہ قومی سپورٹس پالیسی آ چکار ءِ ، زوت دیوان اس اڈ ہلیک ۔ اوہاشم آملہ نا پشاور زلمی تون منسلک مننگ آ خوشی نا درشانی ءِ کرے ۔ وزیراعظم پارے کہ پاکستان سپر لیگ سیزن فائیونا پاکستان اٹ پورو وڑاٹ اڈتننگ تاریخی ءُ موقع اس مریک ۔ اوپارے کہ پشاور زلمی پاکستان سپر لیگ نا سرسہبی ٹی اہم ءُ کڑد اس ادا کرینے ۔ وزیراعظم عمران خان پارے کہ ملک اٹی کرکٹ ناپدی بننگ اٹ پاکستان سپر لیگ نا کڑد اہم ءِ ۔
