اسلام آباد ۔ 31 جنوری (اے پی پی) مزن وزیر ءِ ھاسیں کمکار برائے راجی جان سلامتی ڈاکٹر ظفر مرزا ءَ گوشت کہ کورونا وائرس ءَ گوں گر ءُُ چیل بوھگ ءِ واستہ بنجاھ ءُُ صوبگ سیت مند انت، توا میں بالی پٹ آنی سرءَ سکیننگ ءِ نظام ءَ را دل یکیمی جوڑ کنگ ءَ آں ، وزارت ءِ جان سلامتی ءَ استیں ایمرجنسی آپریشن سیل ھم جاور ھال آناں مانیٹرنگ کنگ ءَ انت، ایمرجستی کور کمیٹی ترندی ءَ گوں مٹ بوھوکیں جاور ھال آنی نگرانی ءَ کنگ ءَ انت ۔ اے ھیالانی درشانی آئی ءَ آدینگ ءِ روچ ءَ ایمرجسی کورونا وائرس ءِ کور کمیٹی ءِ دیوان ءِ سروکی ءَ کنان ءَ کت ۔ دیوان ءَ سیکرٹری ہیلتھ، ایگزیکٹو ڈائریکٹر این آئی ایچ، پاک فوج ءِ نماھندگ ءُُ ایندگر باسک آں بھر زوری کت ۔ دیوان ءَ جتا جتائیں شوبگ آں گوں سیادی داروکیں کلانہ آں کورونا وائرس ءِ تاجگیں جاور ھال ءُُ گامگیج آنی ھوالگ ءَ چار ءُُ تپاسی گپت ۔ دیوان ءَ گوں تران کنان ءَ ھاسیں کمکار ءَ گوشت کہ توا میں بالی پڑ آنی سر ءَ ہیلتھ اسٹیبلشمنٹ ءِ بلدکاریں کارندہ سیکریننگ ءِ نظام ءَ را دل یکیمی جوڑ کنگ ءَ انت ۔ وزارت ءِ جان سلامتی ءِ استیں ایمرجنسی آپریشن سیل ھم جاور ھال آنی مانیٹرنگ ءَ کنگ ءَ انت ۔ آئی ءَ گوشت کہ ایمرجنسی کور کمیٹی ترندی ءَ گوں مٹ بوھوکیں جاور ھال آنی نگرانی ءَ کنگ ءَ انت ۔
