راولپنڈی ۔ 31 جنوری (اے پی پی) پاک فوج ءِ میجر جنرل بابر افتخار(مرچی) شمبے( یک فروری) ءَ پاک فوج ءِ شوبگ ;200;ئی ایس پی ;200;ر ءِ ڈائریکٹر جنرل ءِ اگدہ ءِ چارج زور ایت، آئی ایس پی آر ءِ نیمگ ءَ 16 جنوری ءَ میجر جنرل بابر افتخار ءِ ڈی جی آئی ایس پی آر وھدیکہ میجر جنرل آصف غفور ءَ را جی او سی اوکاڑہ ءَ ٹراسفر کنگ ءِ جار شنگ ءُُ تالان کنگ بوتگ ۔ پاک اُرد ءِ ترجمان میجر جنرل بابر افتخار ءِ سیادی گوں آرمڈ کور ءِ یونٹ 6 لانسر ءَ انت، میجر جنرل بابر افتخار ءَ 1990ءَ فوج ءِ کمیشن در جتگ، آ کمانڈ اینڈ سٹاف کالج کوءٹہ ، نیشنل ڈیفنس یونیورسٹی ءُُ اردن ءِ رائل کمانڈ اینڈ سٹاف کالج ءِ گریجویٹ انت ، میجر جنرل بابر افتخار دوران ملازمت کمانڈ اینڈ سٹاف پوزیشنز ءِ سر ءَ کار کنگ ءِ دراج بریں تجروبت ءُُ بلدکاری ازم ءَ دار ایت ۔ وہبریگیڈ میجر، انفنٹری ءِ بریگیڈیئراسٹاف ءِ اگدہ ءِ سر ءَ بوتگ ۔ میجر جنرل بابر افتخار ءَ آپریشن ضرب عضب ءِ ساھت ءَ انفنٹری ءُُ آرمڈ بریگیڈ ءِ کمانڈ کتگ، آ این ڈی یو ءُُ پی ایم اے ءَ نسٹرکٹرک ءِ بستار ءَ وتی ازمت پیلو کتگ انت ۔ سئے سال ءَ تاں بطور ڈی جی آئی ایس پی آر وتی ازمت پیلو کنوکیں میجر جنرل آصف غفور ءَ آدینگ ءِ روچ ءَ ڈی جی آئی ایس پی آر ءِ اگدہ ءِ چارج یل کتگ انت وھدیکہ نوکیں ٹرانسفر بوھوکیں میجر جنرل افتخار بابر (مرچی) شمبے ڈی جی آئی ایس پی آر ءِ اگدہ ءِ چارج ءَ گپت انت ۔
