نیروبی۔ 29 جنوری (اے پی پی)دری کارانی وزیر شاہ محمود قریشی ءَ گوشت کہ پاکستان اقوام متحدہ ءِ منشور ءُُ منگ نامہ ءِ سرا عملدرآمد ککنگ ءِ ھاترا سرپدی ودی کنگ ءِ تہ وتی کرد ءَ ادا کن ایت۔اے گپ آہاں چار شمبے ءَ کینیا ءِ بن شہر نیروبی ءِ تہ اقوام متحدہ ءِ کارگس ءِ ڈائریکٹر جنرل زینب ہووا بینگورا ءِ گوما گند ءُُ نند ءِ تہ کتگ ات۔ڈائریکٹر جنرل اقوام متحدہ دفتر نیروبی ءَ یو این ای پی ءِ ھوار اقوام متحدہ ءِ جہلی ادارگہاں گوں پاکستان ءِ مثبت کرد ءِ ستا کتگ۔دری کارانی وزیر شاہ محمود قریشی ءَ پدر کتگ کہ اقوام متحدہ امن مشنزھاسکر افریقی ملکانی تہ کتگیں آپریشنز ءِ تہ پاکستان ءِ ہزمت یک دراجیں راج دپتر انت۔آہاں گوشت کہ پاکستان اقوام متحدہ ءِ منشور ءُُ منگ نامہ ءِ سرا وڈ ءُُ پیم ءِ ھاترا سرپدی کنگ ءِ تہ وتی کرد اداکن ایت۔اقوام متحدہ ءِ دفتر برائے نیروبی ءِ ھاترا پاکستان ءِ ہزمت ءَ را معاشرتی،عسکری،ماحولیاتی ءُُ اقتصادی پہلو ءَ گوں چارگ بہ بیت۔دری کارانی وزیر ءَ ڈائریکٹر جنرل، اقوام متحدہ ءَ را مقبوضہ کشمیر ءِ تہ جاڑی بھارتی زلمانی تفصیلاں چہ سرپد کتگ۔دری کارانی وزیر ءَ ڈائریکٹر جنرل (یو این او این)ءَ را پاکستان ءِ تروتاب ءِ دعوت داتگ۔اے درگت ءَ ہائی کمشنر ثقلین سیدہ ءُُ وزارت خارجہ ءُُ ایڈیشل سیکرٹری برائے افریقہ ھم دری کارانی وزیر ءَ گوں پج اتنت۔
