وزیرِاعظم نا سلاہکار صنعت و پیداوار نا کماشی ٹی دیوان، اسلام آباد اٹ جیم سٹون مرکز نا جوڑ کننگ نا بابت گام گیج آتا جاچ ءِ ہلنگا

اسلام آباد۔ 02 اکتوبر (اے پی پی)وزیرِاعظم نا سلاہکار صنعت و پیداوار ہارون اختر خان نا کماشی ٹی جیم سٹون نامرکزنا جوڑ کننگ نا بابت بڑزکو کہولی دیوان اس مس ہراٹی وزیرِاعظم نا کوآرڈینیٹر رانا احسان افضل، ایڈیشنل سیکرٹری حمیرا ضیاء مفتی و جوائنٹ سیکرٹری فریدون اکرم شیخئسک بشخ ہلکر۔ وزارتِ صنعت و پیداوار نا رداٹ دیوان نا وخت آ بنجائی دارالحکومت اسلام آباد اٹ پوسکن انگا جیم سٹون مرکز، پروسیسنگ و نمائش نا آسراتی تا جوڑ کننگ نا جاچ ءِ ہلنگا۔ ہارون اختر خان پارے کہ وزیرِاعظم محمد شہباز شریف نا پارت آتا رداٹ جیم سٹون کن جہانیآب انا پوسکن مرکز جوڑ کننگک، دا بشخ اٹ ارب آ ڈالر نا زرگزرانی شونداری و برآمد آتے ودفنگ نا لائخی ساڑیءِ ۔ او پارے کہ کانڑکنی و پروسیسنگ نا ریسہ غاتیٹینہادی خل تا بھلو کچ اس زیان مریکہرادے توننگ و بشخ انا شونداری کن جیم سٹونز پالیسی جوڑ کرسااوڑآ عملدرآمد نا بناءِ کننگانے ۔ او نا پاننگ ئس کہ پوسکن آ ٹیکنالوجی نا کاریم اٹ اتنگ آن نہادی خل تا کچ اٹ ودکی و ارب آ ڈالر نا گمانی نسخان آتیان بچنگ ممکن ءِ، نہادی خل تا بشخ ءِ پوسکن پروسیسنگ، تراش خراش و نمائش نا آسراتیفراوان کننگک۔ او پارے کہ حکومت نہادی خل تا بشخ ءِ المی آسراتیفراوان کرسا اودے پوسکن آ وڑتیا استوار کیک،نہادی خل تا ہندی کہول آ پروسیسنگ اٹ اوفتا کچ اٹ ودکی، برآمد آتیٹی گچینی و ملکی زرگزران ءِ سوگوی رسینگک۔