نائب وزیراعظم محمد اسحاق ڈار نا کماشی ٹی ایس ایس جی سی ایل نا گیسانا بے حساب مروک آ نسخان آتا باندات آ بڑزکو کہولی کمیٹی نا دیوان، بلوچستان اٹ توانائی نا رکھ و کمپنی نا عملی و مالیاتی پائیداری ءِ بحال کننگ نا اہمیت آ زور

اسلام آباد۔ 02 اکتوبر (اے پی پی)نائب وزیراعظم و وزیر خارجہ سینیٹر محمد اسحاق ڈار سوئی سدرن گیس کمپنی لمیٹڈ (ایس ایس جی سی ایل) نا گیسانا ودوک آ بے حساب مروک نسخان (یو ایف جی) نا ویل آ بڑزکو کہولی کمیٹی نا دیوان نا کماشی ءِ کرے۔ جمعہ نادے آدفتر خارجہ نا ترجمان نا کنڈآن جاری بیان نا رداٹ کمیٹی ءِ ایس ایس جی سی ایل نا نیٹ ورک ءِ مون تروک اہم آپریشنل چیلنج، مالی اثرات و ودوک آ ترسیلی زیانتابارواٹ حوال تننگا۔ دیوان اٹ غیر کانودی کنکشن تا توننگ ، پائپ لائن نا بنداویپنجرنا گچینی ، محصول آتا وصولی ٹیودکی و رواصارف آتیکن گیسانا فراوانی ءِ سوگو کننگ کن تزویراتی گام گیج آتا جاچ ءِ ہلنگا۔ نائب وزیراعظم و وزیر خارجہ بلوچستان اٹ توانائی نا رکھ ءِ پک کننگ تون اوار اوار ایس ایس جی سی ایل نا آپریشنل و مالیاتی پائیداری ءِ بحال کننگ نا اہمیت آ زور شاغا۔ او تعلقدار کمامدارآتے پارت کرے کہ یو ایف جی زیانآتیٹی کمتی ، سخت ضابطہ غاتا نفاذ ، السی وسیلہ غاتا رکھ و السیآسراتی ءِ پک کننگ کن ہدف و مقررہ وخت آ تالان حکمت عملیاس جوڑ کننگے۔ دیوان اٹ بنجائی وزیر سائنس و ٹیکنالوجی خالد حسین مگسی،بنجائی وزیر پٹرولیم علی پرویز ملک،بنجائی وزیر پبلک افیئرزیونٹ رانا مبشر اقبال، وزیراعظم نا خاص کمکار طارق باجوہ، سیکرٹری داخلہ، سیکرٹری پٹرولیم، چیف سیکرٹری بلوچستان، و وزارت توانائی و وزارت خارجہ نا سینئرکمامدارآک بشخ ہلکر۔