اسپیکر قومی اسمبلی نا قطبی وزیرستان اٹی سرسہب آپریشن آ سیکورٹی فورس آتے خراجِ تحسین

اسلام آباد۔ 2 0اکتوبر (اے پی پی)قومی اسمبلی نا اسپیکر سردار ایاز صادق قطبی وزیرستان اٹی سرسہب آپریشن آ سیکورٹی فورس آتے خراجِ تحسین پیش کرینے، جمعہ نا دے آاسہ کلہو اسے ٹی او پارے کہ قطبی وزیرستان اٹی دہشت گرد آتا برخلاف سرسہب کارروائی سیکورٹی فورس آتا کسبی مہارت نا درشانی ءِ۔ سردار ایاز صادق 7 بھارتی سپانسرڈ دہشت گرد آتے دوزخی کننگ آ سیکورٹی فورس آتا ستاءِ کرسا پارے کہ سیکورٹی فورس آک گچین کارروائی کرسا دہشت گرد آتا ناپاک ارادہ غاتے بے سہب کریر۔ او پارے کہ دہشت گردی نا چٹفنگ کن سیکورٹی فورس آتا قربانی و خذمت آک ستاکڑزرہ ، ملک اٹی امن و سوگوی کن سیکورٹی فورس آتا خذمت آتے مچ آ قوم قدر انا نظر اٹ ہریک۔ اونا پاننگ ئس کہ دہشت گردی نا ناسور نا پورو چٹفنگ اسکان دہشت گرد آتا برخلاف کارروائیبرجاسلک ۔