پاکستان نا مدینہ منورہ ٹی پاور ڈسٹریبیوشن اسٹیشن آ حوثی ملیشیا نا جلہو نا مذمت، سعودی عرب تون غیر متزلزل یکجہتی نا درشان

اسلام آباد۔ 2 0اکتوبر (اے پی پی)پاکستان مدینہ منورہ ٹی طیبہ پاور ڈسٹریبیوشن اسٹیشن آ حوثی ملیشیا نا کنڈآن جلہو نا سخت مذمت ءِ کرسا سعودی عرب تون غیر متزلزل یکجہتی نا درشانی ءِ کرینے، جمعہ نادے آاسہ بیان اسے ٹی دفتر خارجہ نا ترجمان پارے کہ مدینہ منورہ ٹی مسجد نبوی ءِ بجلیفراوان کروک آ انفراسٹرکچر آ قابلِ مذمت جلہو اسہ بھلو اشتعال انگیزی اسے و مچ آدنیا نا لکھ آمسلمان تے کن بھلو گڑتی و اضطراب نا سوب ءِ، حرمین شریفین نا تقدس و نمازی و زیارت کروک آتا سلامتی نا ہر حال اٹ شرف ءِ کننگے، او پارے کہ نن داوڑنا گام گیج آتا دمدستی و غیر مشروط چٹفنگ نا خواست کینہ ہرا علاقائی امن و سلامتی کن ہم بھلو خطرہ ءُ، ترجمان پارے کہ پاکستان تیناایلم ملک سعودی عرب تون تینا غیر متزلزل یکجہتی نا درشانی و سعودی عرب نا وتواجہی ، علاقائی سالمیت و سلامتی کن پورو مخ تفی نا درشانی ءِ کیک، نن حرمین شریفیننا رکھ، تینا الس نا رکھ و زیارت کروک آتا سلامتی ءِ پک کننگ کن سعودی عرب نا کوشست آتیٹیاوڑتون اوار سوگوی اٹ سلوک اُن، ترجمان پارے کہ پاکستان ڈیہہ اٹی پائیدار امن و سوگوی نا دوئیکننگ کن مستین اٹی ہم پبی کوشست کرساکرینے و آخبت اٹ ہم دا کوشست آتے برجاتخک۔