اسلام آباد ۔ 22 جنوری (اے پی پی)مزن وزیر ءِ ھاسیں کمکار برائے ھالرسانی ءُُ شنگکاری ڈاکٹرفردوس عاشق اعوان ءَ گوشت کہ امریکی صدر ڈونلڈ ٹرمپ ءِ نیمگا چہ پاکستان بھارت ءِ میان ءَ ثالثی ءِ کرد ادا کنگ ءِ پیشکش پاکستان ءِ کشمیر ءِ جیڈھ ءِ سرا سوبمند ءِ سفارتکاری ءِ نیمگا چہ ھاسیں دیمروئی انت ۔ مزن وزیرعمران خان کشمیریانی وکیل ءُُ سفیر جوڈ بوت میاں اوستمانی براتری ءِ ضمیر ءَ را جنجھوڑگ انت ،مزن وزیر ءِ امریکی تروتاب ءَ چہ دوئیں ملکانی میان ءَ سیادی ءَ را نوکیں تک ءُُ جزم ءَ گوں دیما روگ انت،مزن وزیر عمران خان ءِ دل بلوچستان ءِ مہلوک ءِ گوما دھڑکگ انت ءُُ آں بلوچستان ءِ دیمروئی ءَ را ارزشت دیگ انت،بلوچستان ءِ دیمروئی ءَ گوں پاکستان ءِ دیمروئی بندوک انت ۔ آں چار شمبے ءَ کوءٹہ سربوھگ ءِ پدا بالی پٹ ءِ دیما میڈیا ءَ گوں گپ ءُُ تران کنگ ات ۔ مزن وزیر ءِ ھاسیں کمکار ڈاکٹر فردوس عاشق اعوانءَ گوشت کہ ھالیگیں ھورءُُ برپ گواری ءَ چہ بلوچستان ءِ تہ جانی ءُُ مالی تاوان بوتگ ،مزن وزیر عمران خان ءِ پنت ءُُ شون ءِ ردا این ڈی ایم اے ءَ صوبائی حکومت ءَ گوں ھواری ءَ اثرمندانی بحالی ءِ ھاترا گامگیج کرتگ ات ۔ بنجاہی حکومت صوبائی حکومت ءِ گوما ہرممکن کمک کن ایت ۔ آہاں گوشت کہ مزن وزیر عمران خان ءِ امریکی صدر ٹرمپ ءِ گوما ھاسیں گند ءُُ نند کتگ، امریکی صدر ءَ کشمیر ءِ جیڈھ ءِ سرا میڈیءٹر ءِ پیشکش کتگ ات ایشی ءَ چہ کشمیر یک رندے پدا دگنیا ءِ دیما اجاگر بوتگ،مزن وزیر عمران خان دگنیا ءِ ہر فورم سرا کشمیریانی کیس ءَ مڑگ انت ءُُ اے گپ سرا زور دیگ انت کہ گپ ءُُ تران ءِ ابید کشمیر ءِ جیڈھ ءِ ہچ راہ نیست انت ۔ آہاں گوشت کہ بھارت ءَ تاگت ءُُ ریاستی ناشرکاری ءَ چہ کشمیر ءِ تہ نشتگیں مردمانی توار جہل کتگ ایشی ءَ را سرج میں دگنیا ءِ تہ بے چیر کنگ اوں ۔ آہاں گوشت کہ مزن وزیر عمران خان دگنیا ءِ تہ اودا کہ روگ انت اودا پاکستان ءِ تہ سرمایہ کاری ءِ گپ جنءگ انت ،مئے ایجنڈہ انت کہ کمک نہ بیءپار ہمہ سوبمندی ءَ گوں برجاہ انت ۔ آہاں گوشت کہ بلوچستان ءِ دیمروئی ءِ تہ بلوچستان ءِ میڈیا ءِ ھم ھاسیں کرد انت آہاں گرانیں وھد ءِ تہ وتی جان ہتیلی سرا ایر کنان ءَ وتی ھون ءَ گوں ڈیہ روژن کتگ ات ۔
