اسلام آباد۔ 14جنوری (اے پی پی) چین پاکستان اقتصادی راہداری (سی پیک) نا رداٹ کشت وکشار نا بشخ اٹی شونداری کن خصوصی گام گیج کننگ انگ ءِ۔ سی پیک اتھارٹی نا کمامدارآتارداٹ حکومت کشت وکشار نا بشخ اٹی تین پہ تینی کمکاری ءِ سی پیک ڈٹ انا فریم ورک اٹی اوار کرینے۔ دا چرجوئی ٹی تدوک آ سال اکتوبر اٹی پاک۔چائنہ کوآپریشن فورم اٹی اسلام آباد اٹی چائینہ ایگریکلچر کوآپریشن ایکسچینج سینٹر اس جوڑ کننگاسس۔ دا فورم اٹی چینی ادارہ غاک پاکستان نا کشاری بشخ اٹی بروک آ اڑاند آتا مون ءِ توننگ و گچین ایسر اس پٹنگ کن پورو کمک فراوان کریر۔ داڑتون اوار اوار چین پاکستان نا کشاری اجناس ہرافتے ٹی برنج و مچھی اوار ءُ کن تینا منڈی تا درگہ غاتے ملنگ تون اوار اوار پاکستان نا حلال فوڈ مصنوعات آتا مارکیٹنگ اٹی آسراتی تے بہم سرکننگ آن بیدس پوسکن آکشاری ٹیکنالوجیز فراوان کننگ نا عزم انا درشانی ءِ کرینے۔ یات سلے کہ چین ستمبر 2019ء ٹی سی پیک ڈٹ انا رداٹ کشت وکشار نا بشخ انا 13پروجیکٹ آتے ٹی ٹیکنیکل کمکاری فراوان کننگ نا منظوری ءِ ہم تسنے۔
