نیویارک۔ 13 جنوری (اے پی پی) امریکی وزیر خزانہ سٹیفن منوچین پارینے کہ چین ءِ ایرانی تیل انا ہلنگ آن توننگ کن ہیت وگپ برجاءِ، ایران نا تیل انا درآمد آ پابندی تا کمک اٹ اونا 95 درسد آئل آمدنی ءِ تورینن۔ داخیال آتا درشانی ءِ او تدوک آ دے اسہ انٹریو اسے ٹی کرے۔ سٹیفن منوچین پارے کہ ایرانی برآمد آتا اسہ بھلو بشخ اس چین آ کاہک، چینی کمامدار آتون دا بارواٹی ہیت وگپ برجاءِ کہ او ایرانی تیل انا ہلنگ آن پاناد کے۔ اوپارے کہ چین تینا غٹ سرکاری کمپنی تے ایرانی تیل انا ہلنگ آن تورینے و ننا است خواہی ءِ کہ چین نا ایران تون تیل انا بارواٹی غٹ ہلنگ و بہا کننگ ءِ چٹفنگے۔ اونا پاننگ ئس کہ مستین اٹی ایرانی تیل درآمد کروک آ چینی کمپنی تیا ہم پابندی ہم عائد کننگانے۔
