واشنگٹن۔ 07 جنوری (اے پی پی) امریکی صدر ڈونلڈ ٹرمپ تینا دا موقف نا درشانی ءِ کرینے کہ ایران ءِ جوہری سلہہ دوئی کننگ نا موکل تفننگک۔ داہیت ءِ او تدوک آ دے اسہ ٹویٹ اسے ٹی پارے۔ اوپارے کہ ایران وخت اس ہم جوہری سلہہ دوئی کننگ کپک۔ امریکی صدر نا دا بیان آن اسہ دے اس مست ایران 6جہانی واک آتون 2015ء ٹی پک مروک جوہری سمجھوتہ و اونا شڑت آتیان دزکش مننگ نا پڑو ءِ کرینے۔ ایران دا پڑو ءِ میجر جنرل قاسم سلیمانی نا تدوک آ جمعہ آ بغداد اٹی امریکہ نا اسہ ڈرون جلہو اسے ٹی زوال کننگ نا ردعمل اٹ کرے۔ یات سلے کہ امریکہ 8 مئی 2018 ء آ جوہری معاہدہ غان اسہ کنڈی وڑاٹ دزکش مسوسس و ہندا سال نومبر اٹی ایران نا برخلاف دُوارہ سخت اقتصادی پابندی عائد کریسس۔
