بیجنگ۔ 06جنوری (اے پی پی) چین اٹی پاکستان نا سفیر نغمانہ ہاشمی پارینے کہ سی پیک نا ارٹ میکو مرحلہ جوان وڑاٹ بناکرینے ہراٹی پاکستان نا چندی ڈیہہ تیٹی خصوصی اقتصادی علاقہ غاتے جوڑ کننگ انگ ءِ، چین پاکستان آجو واپاری معاہدہ۔II آ عملدرآمد مسنے۔ دوشنبے نادے آ میڈیا تون گپ وتران کرسا اوپارے کہ مصنوعات آتیا کسٹم ڈیوٹی نا رعایت آتیان مصنوعات آتا نہاد آتے ہم کمتی بریک وخت اس کہ پاکستان کشاری غلہ غاتا برآمد آتا بابت اہم ءُ ملک اسے ہنداخاطران پاکستان تینا کشاری غلہ غاتے چین برآمد کرسا خاطر خواہ بھرم دوئی کننگ کیک۔ اوپاکستان ءِ چین اتون اسیجا واپاری سرجز، پوسکن آ ٹیکنالوجی نا کاریم اٹ اتنگ و بزغر و برآمد کار آتون کمکاری ءِ مون آ درسا گڑاتا جوان ءُ دام اس طے کرسا کشاری غلہ غاتا پیدوار ءِ پک کننگ خاص وڑاٹ جوان انگا نہاد آتون چینی میوہ و سوزی تا مارکیٹ اسکان رسینگ دوئی کننگ نا سلاہ تس۔ داکان بیدس ڈغاری کسر تیان کشاری برآمد آتے ودفنگ خاص وڑاٹ آمب و مچھی تے گچین وڑاٹ مزل اسکان سرکننگ کن کولڈ چین نیٹ ورک نا اہمیت آ زور شاغا۔ اومستی پارے کہ پاکستان نا قطبی و سویلی علاقہ معدنیات نا دولت آن مالامال ءِ ہرافتیان فائدہ دوئی کننگ کن چینی واپاری ادارہ و پوسکن آ ٹیکنالوجی نا کمک دوئی کرسا نگینہ جات نا صنعت ءِ شونداری نا کسر آ دننگ مریک۔
