واشنگٹن۔ 06جنوری (اے پی پی) امریکی صدر ڈونلڈ ٹرمپ پارینے کہ اودے فوجی کارروائی نا پرمان تننگ کن کانگریس نا منظوری نا ہچ ءُ گرج اس ہلوکہ و اگہ او ایران نا برخلاف جلہو نا فیصلہ ءِ کرے تو دا بابت اونا ٹویٹ پیشگی نوٹیفکیشن مریک۔ داہیت ءِ او کانگریس نا اسپیکر نینسی پلوسی نا دا بیان آ تینا اسہ ٹویٹ اسے ٹی پارے ہراٹی نینسی پلوسی پارینے کہ امریکی …
فوجی کارروائی کن کانگریس نا منظوری نا گرج اف، امریکی صدر ٹرمپ
گیشتریں ھال
واشنگٹن۔ 06جنوری (اے پی پی) امریکی صدر ڈونلڈ ٹرمپ پارینے کہ اودے فوجی کارروائی نا پرمان تننگ کن کانگریس نا منظوری نا ہچ ءُ گرج اس ہلوکہ و اگہ او ایران نا برخلاف جلہو نا فیصلہ ءِ کرے تو دا بابت اونا ٹویٹ پیشگی نوٹیفکیشن مریک۔ داہیت ءِ او کانگریس نا اسپیکر نینسی پلوسی نا دا بیان آ تینا اسہ ٹویٹ اسے ٹی پارے ہراٹی نینسی پلوسی پارینے کہ امریکی صدر عراقی دارالحکومت بغداد ایرانی جنرل قاسم سلیمانی آ جلہو کن کانگریس نا منظوری ءِ ہلتویسس۔ امریکی صدر ایران نا کنڈآن ورندی کارروائی ٹی امریکی شاری یا ہدف آ ممکنہ جلہو نا خبر آتا بابت پارینے کہ اونا ورندی ٹی امریکہ دمدستی و غیر متناسب وڑاٹ ورندی کارروائی کیک ہنداخاطران داڑکن اودے داوڑنا ہچ ءُ کانودی نوٹس یا منظوری نا گرج اف۔ یات سلے کہ تدوک آ دے امریکی ایوان نمائندگان نا حزب اختلاف نا جماعت آن تعلق تخوک آ اِرا باسک اسہ پوسکن ءُ قرارداد اس پیش کننگ ناپڑو ءِ کریسر ہرانا رداٹ امریکی صدر کانگریس نا موکل آن بیدس ایران نا برخلاف جنگ انا پرمان ءِ تننگ کپک۔
