کابینہ ئِ اقتصادی رابطہ کمیٹی ئِ دیوان، 15جنوری ئَ چہ درآمدی کاٹن ئِ سئے درسد ریگولیٹری ڈیوٹی، دو درسد گیشں کسٹم ڈیوٹی ئُُ 5درسد سیلز ٹیکس واپس گرگ ئِ پیسلہ

اسلام آباد۔ 30 دسمبر (اے پی پی) کابینہ ئِ اقتصادی رابطہ کمیٹی(ای سی سی) ئَ 15 جنوری ئَ درآمدی کاٹن ئِ سئے درسد ریگولیٹری ڈیوٹی، دو درسد گیشیں کسٹم ڈیوٹی ئُُ 5 درسد سیلز ٹیکس واپس گرگ ئِ پیسلہ کتگ، ای سی سی ئَ طور خم بارڈر ئِ وسیلگ اوگانستان ئُُ نیامی ایشیا ئَ چہ کپاس درآمد کنگ ئِ اجازت ھم داتگ۔ اقتصادی رابطہ کمیٹی ئِ دیوان دو شمبے ئَ ادا برجم دارگ بوت۔ درآمدی کاٹن ئِ سر ئَ سئے درسد ریگولیٹری ڈیوٹی، دو درسد گیشیں کسٹم ڈیوٹی ئُُ 5درسد سیلز ٹیکس واپس گرگ ئِ پیسلہ 4 اکتوبر ئَ کپاس ئِ کشار آنی سر ئَ چار ئُُ بچار ی دیوان ئَ اے ھوالگ ئَ ای سی سی ئَ پیش کتگیں مالوداری ئِ رد ئَ کنگ بوت۔ مزن وزیر ئِ مشیر برائے ھزانگ ئُُ اقتصادی کار ڈاکٹر عبدالحفیظ شیخ ئَ اے ھوالگ ئَ پالیشی یک ماھے ئِ اندر ئَ ای سی سی ئَ پیش کنگ ئِ پنت ئُُ شون کت۔ ای سی ئَ مالی سال 2019-20 ئِ واستہ سپیشل سیکورٹی ڈویژن نارتھ پاکستان آرمی ئِ واستہ 6.210 ارب کلدار ئِ تکنیکی جندی گرانٹ ئِ منظوری دات۔