اسلام آباد ۔ 30 دسمبر (اے پی پی) مزن وزیر عمران خان ءَ گوشت کہ ملک معاشی مشکل آں چہ در کپگ ءَ انت، 2020 ءَ الس ءِ واستہ وشھالی آرگ ءِ سال انت، چاگرد ءِ ھمزوریں تبک ءِ گہبودی ءِ واستہ پروگرام آنی کار رپک ءُُ رھبند پراھ ءُُ شاھیگان کنگ بہ بنت، ٹرانس جنڈر آناں جان سلامتی کارڈ ءِ دیگ وشیں گپ ات، گوستگیں وھد ءَ اے کمیونٹی …
مزن وزیر عمران خان ءِ جان سلامتی انصاف کارڈ ءِ بھر ءُُ بانگ کنگ ءِ مراگش ءَ گوں گشتانک
گیشتریں ھال
اسلام آباد ۔ 30 دسمبر (اے پی پی) مزن وزیر عمران خان ءَ گوشت کہ ملک معاشی مشکل آں چہ در کپگ ءَ انت، 2020 ءَ الس ءِ واستہ وشھالی آرگ ءِ سال انت، چاگرد ءِ ھمزوریں تبک ءِ گہبودی ءِ واستہ پروگرام آنی کار رپک ءُُ رھبند پراھ ءُُ شاھیگان کنگ بہ بنت، ٹرانس جنڈر آناں جان سلامتی کارڈ ءِ دیگ وشیں گپ ات، گوستگیں وھد ءَ اے کمیونٹی ءَ را ڈلگچار کنگ بوتگ، مئے حکومت ایشاناں ھمک رنگ ءِ آسراتی دنت ۔ آ دو شمبے ءَ ٹرانس جنڈر آناں جان سلامتی کارڈ ءِ بھر ءُُ بانگ کنگ مراگش ءَ گوں گشتانک دیان ءَ کت ۔ اے موہ ءِ سر ءَ مزن وزیر ءِ ھاسیں کمکار برائے جان سلامتی ڈاکٹر ظفر مرزا ءُُ مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ھم موہ ءِ سر ءَ ساڑی ات ۔ مزن وزیر ءَ مراگش ءَ گوں گشتانک دیان ءَ گوشت کہ ٹرانس جنڈر کمیونٹی ءِ واستہ جان سلامتی کارڈ ءِ بنگیج وشیں گپ ات، اے گامگیج ءِ پد ءَ ڈاکٹر مرزا ظفر ءَ لاءک ءِ ستا پیش کناں ۔
