اسلام آباد ۔ 30 دسمبر (اے پی پی) وزیر ءِ درئی کار شاہ محمود قریشی ءِ سروکی ءَ شور ءُُ مشوری کونسل برائے درئی کار ءِ 11یازدھمی دیوان دو شمبے ءَ وزارت ءِ درئی کار ءَ برجم دارگ بوت ۔ دیوان ءَ ہندوستان ءَ مسلمان آنی ھلاپ ءَ جوڑ کتگیں ناروائیں کانود ءُُ مقبوضہ جموں کشمیر ءِ جاور ھال آناں میاں اوستمانی تک ءَ ڈلگچار کنگ ءِ ھوالگ ءَ ھاسیں شور ءُُ مشوری دیوان ءِ برجم دارگ بوت وھدیکہ مقبوضہ جموں کشمیر ءِ کودکیں بنی آدم آناں بھارتی لگت مالی ءَ چہ آزاتی دیگ ء، واستہ میاں اوستمانی برات آنی گوما سفارتی رابطہ آناں گیش دیمروئی دیگ ءِ سر ءَ تپاک کنگ بوت ۔ دیوان ءَ سیکرٹری درئی کار سہیل محمود، پیسریگیں سیکریٹریز، سفیر ، کلانہ ایں کارندہ آں ھوار وزارت درئی کار ءَ کلانہ ایں کارندہ شریک اتنت ۔ دیوان ءِ ساھت ءَ ہندوستان ءَ جاڑی بوتگیں جاک، مقبوضہ جموں کشمیر ءَ جاڑیگیں یک شلیں کرفیو، لائن آف کنٹرول ءِ جاور ھال ءَ ھوار ارزشتی ایں درئی کار آنی سر ءَ ھیال ریچی کنگ بوت ۔ اے موہ ءِ سر ءَ وزیر ءِ درئی کار ءَ گوشت کہ مودی سرکار ءِ ہندو وا ھرابیں پالیشی آنی رد ءَ سرج میں ہندوستان ءَ جاک ءُُ کوکار کنگ ءَ انت ۔ بھارتی سرکار جاک کنوک آناں لٹ ءُُ کُٹ پولیس ءِ وسیلگ ءَ کنگ ءَ انت ۔ آئی ءَ گوشت کہ پولیس مسلمان آناں نشانگ بندگ ءَ انت، بی جے پی ءِ حکومت درئی نیک راھ ءِ منوک ھاسیں رنگ ءَ مسلمان آناں لگت مال کنگ ءَ انت ۔
