اسلام آباد ۔ 30 دسمبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ نیب کانود ءِ مٹ ءُُ بدلی ءِ مول ءُُ مراد راجی دیمروئی ءِ واستہ گام آناں گیش ترند کنگ انت، اپوزیشن نیب آرڈیننس ءَ را وانگ ءَ نہ انت انچو پہ دیم ایراد گرگ ءَ انت، این آر او پجار ءُُ سیت کنوکیں نیب آرڈیننس ءِ سر ءَ ایراد گرگ ءَ انت، نیب آرڈیننس ءَ راست گوشیں مردم آنی رکھینگ بوتگ، حکومت عمران خان ءِ سروکی ءَ ملک ءَ چہ کرپشن ءِ ھلاستی ءِ واستہ کوشست کنگ ءَ انت، نیب ءُُ ایف آئی اے وڑیں ادارگ آناں آزات کنگ بوتگ، گوستیں وھد ءَ ایف آئی اے ءَ وت جوڑ کتگیں جُست دیگ بوتگ اَنت، نوں اگاں کسے ایف آئی اے ءِ دیم ءَ پیش بیت گڈا ھمے مٹ ءُُ بدلی انت ۔ آ دو شمبے ءَ قائداعظم ءِ ودی بوھگ ءِ روچ ءِ درگت ءَ بست ءُُ بند کتگیں مراگش ءَ اکسی نماش ءِ بنگیجی دیوان ءَ گشتانک دیگ ءَ ات ۔
