کرپشن ملک ءِ دیمروئی ءَ درستاں چہ مستریں پینگ انت، گوستگیں حکومت آں کرپشن ءِ گر ءُُ دار ءِ واستہ اچ گامگیج نہ کتگ، وزیر ءِ مملکت برائے موسمی مٹ ءُُ بدلی زرتاج گل

اسلام آباد ۔ 30 دسمبر (اے پی پی) وزیر مملکت برائے موسمیاتی مٹ ءُُ بدلی زرتاج گل ءَ گوشت کہ لٹ ءُُ پُل ، منی لانڈرنگ ءُُ ڈنگی ءَ را گر ءُُ دار پاکستان تحریک انصاف ءِ حکومت ءِ منشور ءِ بھر ات ءُُ لٹ ءُُ پل ءِ ھلاسی ءِ واستہ جزمیگ انت ۔ مزن وزیر عمران خان ءِ حکومت ءَ وتی منشور ءَ کتگیں ایندگر سوگند آنی وڑ ءَ کرپشن ءِ ھلاسی ءَ را بنیاتی ارزشت دیگ ءَ انت ءُُ وتی سوگند آنی سرجمی ءِ واستہ جزمیگ انت ۔ ریڈیو پاکستان ءِ یک پروگرامے ءَ تران کنان ءَ زرتاج گل ءَ بُکگ جنوکیں پارٹی آنی سرءَ ایراد گران ءَ گوشت کہ آ حکومت ءَ را راجی کار آنی سرجمی ءِ کار رپک ءَ گوشگ ءَ انت پیسر ءَ وتی حکومت ءِ زمانگ ءَ آ اے رنگ کنگ ءَ ناکام بوتگ اَنت ۔