اسلام آباد ۔ 30 دسمبر (اے پی پی) راجی ایئرلائن پی آئی اے ءِ ترجمان ءَ گوشت کہ سیالکوٹ ءُُ پشاور ءَ موسم ءِ ھرابی ءِ جاور ھال آنی سبب ءَ راجی ائیر لان ءِ بالیگ ری شیڈول کنگ بوتگ اَنت، پشاور ءَ آیگ ءُُ روگ ءِ بالیگ اسلام آباد ءَ چہ وھدیکہ سیالکوٹ ءِ بالیگ لاہور ءَ چہ آپریٹ کنگ بنت ۔ ترجمان ءِ نیمگ ءَ چہ دو شمبے ءِ جار ءِ رد ءَ سیالکوٹ ءُُ پشاور ءَ چہ روکیں مسافر آں چہ دزبندی کنگ بوتگ کہ آ وتی بالیگ آنی ھوالگ ءَ مالوداری ءِ واستہ پی آئی اے کال سینٹر ءَ گوں نزیکی بکن ات ۔ پی آئی اے کال سینٹر مسافر آنی نیمگ ءَ رستگیں نمبر آنی سر ءَ مسافر آناں مالوداری پجارینگ ءَ انت ۔ ترجمان ءَ گوشت کہ موسم ءِ ھرابیں جاور ھال آنی سبب ءَ مسافر آں گوں دزبندی انت کہ آ ائیر پورٹ ءَ آیگ ءَ چہ پیسر ی آئی اے کال سینٹر ءَ ضلور رابطہ بکن اَنت ۔ موسم ءِ ھرابی ءِ سبب ءَ بالیگ آنی تہ ءَ ردو بدل کنگ ءِ سر ءَ ادارگ منت واری انت ۔
