صدر برٹش بیک پیکر سوساءٹی سیموئیل جونسن ءِ ’’اے پی پی‘‘ ءَ گوں ھاسیں تران

اسلام آباد ۔ 30 دسمبر (اے پی پی) برٹش بیک پیکر سوساءٹی ءِ صدر سیموئیل جونسن ءَ گوشت کہ حکومت ءِ پاکستان ءَ ای ویزہ سسٹم ءُُ درملکی سیل ءُُ سوادی آنی واستہ این او سی ءِ شرط ءَ را ھلاس کنان ءَ سیل ءُُ سواد ءِ پڑ ءَ را وتی اولی کار سہرا کتگ ایشی ءَ چہ پد پاکستان سیل ءُُ سواد ءِ ھولگ ءَ ٹاپ ملک آنی تہ ءَ ھوار بوتگ ۔ برٹش بیک پیکرسوساءٹی ءِ صدر سیموئل جونسن ءَ ٹیلی فون ءَ اے پی پی ءَ گوں تران کنان ءَ گوشت ، برٹش بیک پیکر سوساءٹی ءِ ممبر آں پاکستان ءِ ھوالگ ءَ وتی ووٹ داتگ کہ پاکستان آیوکیں باندات ءَ سیل ءُُ سواد ءِ ھوالگ ءَ جوانیں ازمکاریں ملک آنی لڑ ءَ ھوار انت ۔ آئی ءَ گوشت کہ ویزا آسراتی ءِ سبب ءَ پاکستان ءَ ٹورازم انڈسٹری ءَ گروتھ بوھگ ءَ انت ۔ آئی ءَ گوشت کہ حکومت پاکستان ءَ سیل ءُُ سواد ءُُ تریولرز آنی واستہ باز یں چیز آفر کتگ، ای ویزا سسٹم ءُُ در ملکی سیل ءُُ سواد ءِ واستہ این او سی ءِ شرط ءِ ھلاسی ءَ استیں حکومت ءَ سیل ءُُ سواد ءَ را وتی اولی ترجی داتگیں کار سہرا کتگ ۔ آئی ءَ گوشت کہ ای ویزا سسٹم ءُُ این او سی ءِ شرط ءِ ھلاسی ءَ چہ بی بی ایس ءِ بازیں ممبر نوں آسانی ءَ گوں پاکستان ءِ تر ءُُ تاب ءَ کت کناں ۔ آئی ءَ پاکستان ءَ سیل ءُُ سواد ءِ شوبگ ءَ دیمروئی گامگیج استیں وھد ءِ ارزشتی ایں ضلورت نامینان ءَ گوشت کہ یورپی ملک آنی سیل ءُُ سواد ی مردم دلگوش کنگ ءِ واستہ حکومت ءِ پاکستان ءِ سوشل میڈیا ءُُ ایندگر رسانکی در گیشاں چہ گیش اشتہار شنگ ءُُ تالان بکن اَنت ۔ آئی ءَ گوشت کہ حکومت بنیاتی انفرانسڑکچر ءُُ گہتریں روڈ نیٹ ورک ءِ سر ءَ ھم دلگوشی دیگ ءَ انت ایشی ءَ چہ در ملکی سیل ءُُ سوادی ھند ءُُ جاہ ءَ پجگ ءَ آسانی بیت ۔ سیموئیل جونسن ءَ گوشت کہ سیل ءُُ سود اتھارٹی ءَ را لوٹ ایت کہ آ ٹورسٹ میپ جوڑ بکنت ءُُ ٹورسٹ گائیڈ کلچر ءَ را دیمروئی بدنت ۔