حکومت ءِ شریں پالیسی آنی آسرءَ ملک دیمروئی ءِ راہ ءَ روگ انت،پاکستان تحریک انصاف ءِ حکومت مہلوک ءَ گوں کتگیں قول ءَ سرجم کن ایت، پارلیمانی سیکرٹری سائنس اینڈ ٹیکنالوجی نواز خان

اسلام آباد ۔ 29دسمبر(اے پی پی) پارلیمانی سیکرٹری سائنس اینڈ ٹیکنالوجی نواز خانءَ گوشت کہ حکومت ءِ شریں پالیسیءَ چہ ملک دیمروئی ءَ کنگ انت ۔ پاکستان تحریک انصاف ءِ حکومت مہلوک ءَ گوں کتگیں قول ءَ سرجم کن ایت ۔ ہزارہ موٹر وے فیز تھری مانسہرہ چہ بٹل یکم جنوری چہ لس ٹریفک ءِ ھاترا پچ کنگ بیت،ہزارہ موٹر وے ءِ سرجمی ءَ چہ مہلوک ءِ ھاترا روزگار ءِ نوکیں موہ رسنت ۔ یک شمبے ءَ اے پی پیءِ گوما گپ ءُُ تران کنان ءَ آہاں گوشت کہ 2018ءِ لس گچینکاری ءِ تہ مہلوک ءَ مزن وزیر عمران خان ءُُ تحریک انصاف ءِ سرا چکاریں اعتماد کنان ءَ حکومت جوڈ کنگ ءِ مینڈیٹ داتگ ۔ ہما جاورءَ پاکستان تحریک انصاف ءِ حکومت ججوڈ بوت ،ھزانگ حالی ات مزن وزیر ءَ معاشی جاورانی گہتری ءِ ھاترا سکیں پیسلہ کتگ انت ایشانی سبب ءَ معاشی جاور گہتر بوتگ ات ۔ آہاں گوشت کہ 2019 ءِ تہ گراں بہائی بوتگ بلے ایشی زمہ وارگوست ءِ حاکم انت،استیں حکومت ءَ پیسریگیں حکومتانی گپتگیں وام واتر کتگ ات ۔ نواز خان ءَ گوشت کہ پاکستان تحریک انصاف ءِ حکومت مہلوک ءَ گوں کتگیں قول ءَ سرجم کن ایت،2020ءِ سال مہلوک ءِ وشھالی ءِ سال بیت ۔ آہاں گوشت کہ ہزارہ موٹر وے ءِ فیز تھری مانسہرہ چہ بٹل یکم جنوری چہ بٹل تاں 2020 چہ لس ٹریفک ءِ ھاترا پچ کنگ بیت ۔ نواز خان ءَ گوشت کہ پاکستان تحریک انصاف ءِ حکومت ءِ نیمگا چہ ہزارہ موٹروے منصوبگ ہزارہ ءِ مہلوک ءِ ھاترا مزنیں سوگات انت ایشی ءَ چہ اے منصوبگ ءِ سرجمی ءَ چہ ہزارہ ءِ مہلوک ءِ زند ءِ معیار برز بیت وھدیکہ منصوبگ ءَ چہ مہلوک ءَ را روزگار ءِ نوکیں موہ رسنت ۔