سارتی ءِ سبب ءَ کجام مردمے پناہ جاء ءَ چہ زبہر مہ بیت،مزن وزیر عمران خان

اسلام آباد ءِ ھوار پنجاب ءُُ خیبر پختونخواہ ءِ لہتیں شہراں پناہ جاہانی ہڈ دیگ پی ٹی آئی حکومت ءِ بنداتی منصوبگ ءَ چہ یک ات،مزن وزیر عمران خان ءِ ٹویٹ

اسلام آباد ۔ 29 دسمبر (اے پی پی)مزن وزیر عمران خان ءَ پنجاب ءُُ خیبر پختونخواہ ءِ سر وزیرءَ را کڈنی داتگ کہ سارتی ءِ سبب ءَ کجام مردمے پناہ جاء ءَ چہ زبہر مہ بیتءُُ دوئیں حکومت پیسرءَ چہ ساڑی پناہ جاہاں جاگہ نہ بوھگ ءِ سبب ءَ دگہ ودک ءِ عارضی پناہ جاہ ءَ ہڈ دنت ءُُ ورگ ءِ بند ءُُ بست ءَ ھم کن انت ۔ چاگردی ویب ساءٹ ٹویٹر ءِ سرا مزن وزیر عمران خان ءَ پنجاپ ءُُ خیبر پختونخواہ ءِ حکومت ءَ را اے پنت ءُُ شون جاڑی کتگ ات ۔ مزن وزیر ءَ وتی ٹویٹ ءِ تہ گوشت کہ سکیں سارتی ءِ تہ کجام مردمءِ پناہ جاہ ءَ چہ زبہر مہ بنت ۔ حاکمی ءِ تہ آھگ ءِ پدا بنجاہی بُن شہر اسلام آباد ءِ ھوار پنجاپ ءُُ خیبر پختونخواہ ءِ لہتیں شہراں پناہ جاہانی ہڈ دیگ پاکستان تحریک انصاف (پی ٹی آئی) حکومت ءِ بنداتی منصوبگ چہ یک ات ۔ پنجاب حکومت پیسرءَ ھم لاہور ءِ تہ ریلوے سٹیشن، ٹھوکر نیاز بیگ، بادامی باغ، داتا دربار ءُُ لاری اڈا ءِ دمگاں 5پناہ جاہ ہڈ داتگ ات وھدیکہ دو گیشتر پناہ جاہانی ہڈ دیگ پیپ لین ءِ تہ انت ۔ پنجاب حکومت ءَ ضرورتمند ءُُ بے گس ءِ مردمانی ھاترا شیلٹر ہومز ءِ پھجارگ ءِ ھاترا 36ضلعہاں پناہ جاہ ہڈ دیگ ءِ پیسلہ کتگ ۔ اے وڈ ءَ کے پی ءِ حکومت ھم لہتیں شہراں بے گسیں مردماں را سائبان ءُ وردن ءِ پھجارگ ءِ ھاترا گاماں چست کنگ انت وھدیکہ بنجاہی حکومت ءَ اسلام آباد ءِ تہ سئے پناہ جاہ ہڈ داتگ ات اودا بے گس ءِ مردماں را نندگ ءُُ ورگ ءِ آسراتی پھجارگ بوھگ انت ۔