2020ء اُلسی وشھالی ءُُ راجی دیمروئی ءِ سال بیت،وتی گِس لاڑکانہ ءَ چہ پروشت وارتگءِ مردمانی دپ ءَ چہ نوکیں سال ءِ تہ نوکیں گچینکاری ءِ گپ عجب ءِ ءُُ بی بی شہید ءِ فلسفہ ءِ نفی انت، ڈاکٹر فردوس عاشق اعوان

اسلام آباد ۔ 28 دسمبر (اے پی پی)مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ پیپلز پارٹی ءِ چیئرمین بلاول بھٹو زرداری ءَ را گوانک جنان ءَ گوشت کہ 2020ءِ سال اُلسی وشھالی ءُ راجی دیمروئی ءِ سال بیت،وتی گس لاڑکانہ ءَ چہ پروشت وروکیں مردمانی دپ ءَ چہ نوکیں سال ءِ تہ نوکیں گچینکاری ءِ گپ مضحکہ خیز ءُّ بی بی شہید ءِ فلسفہ ءِ نفی انت ۔ ڈاکٹر فردوس عاشق اعوان ءَ ھپتگ ءَ چاگردی ویب ساءٹ ٹویٹر ءِ سرا وتی کلوھ ءِ تہ گوشت کہ لاڑکانہ ءِ حالیگیں پروشت کرپشن ءِ ھلاپ ءَ مہلوک ءِ یاگی بوھگ ءِ جار انت ۔ آہاں گوشت کہ بلاول صاحب پاکستان ءِ مہلوک ءَ دو ھاندان ءَ را دھکان چہ حاکمی ءَ را ھلاس کنا ن ءَ عمران خان ءِ راھشونی ءِ تہ راستیں راج ہڈ داتگ ۔ ڈاکٹر فردوس عاشق اعوانءَ گوشت کہ اپوزیشن راھشون سیاسی منافقت کنگ انت ۔ ھاسیں کمکارءَ گوشت کہ اے وت حاکمی ءَ بنت تو حکومت آئینی وھد ءُُ پاس سرجم کن ایت ءُُ اگہ مہلوک حاکمی ءَ عمران خان ءَ را دنت تو آہانی طب ناساز پرچہ ۔