وزیر اعظم عمران خان ءِ ھاسیں کوشستاں چہ ملائیشیاء ءِ تہ محصور 300چہ گیش پاکستانی راجی ایئرلائین ءِ ھاسیں فلائیٹ ءِ وسیلگ ءَ 31دسمبر ءَ 2019ءَ کوالالمپور چہ اسلام آباد ءَ سربنت

اسلام آباد ۔ 28 دسمبر (اے پی پی)مزن وزیر عمران خان ءِ ھاسیں کوشستاں گوں ملائیشیاء ءِ تہ داشتگیں 300چہ گیش پاکستانی راجی ایئرلین (پی آئی اے) ءِ ھاسیں فلائیٹ ءِ وسیلگ ءَ 31دسمبر 2019ءَ کوالالمپور چہ اسلام آبادءَ سربنت ۔ راجی ایئرلین ءِ ربالکار ءِ نیمگا چہ ھپتگ ءَ ادا چہ جاڑی جارانگ ءِ ردا راجی ایئر لین ( پی آئی اے) 31دسمبر 2019ءَ کوالالمپور ءَ چہ اسلام آباد ءِ ھاترا ھاسیں فلائیٹ ءَ سٹارٹ کنگ انت، ملائیشیا ءِ تہ گٹ ءِ 300 چہ گیش پاکستانی وتی دل دوست آنی کر ءَ واتر سر بنت ۔ جارانگ ءِ ردا راجی ایرلین ءِ فلائیٹ پی کے 9895 کوالالمپور ءِ ھندی وھد ءُُ پاس ءِ ردا 30 ءُُ31 دسمبر ءِ نیمی شپ ءَ 3;46;30 سرا روان بیت ءُُ سہب ءِ 9;46;50 ءِ سرا اسلام آباد ءَ سر بیت ۔ پاکستانی شہری لہتیں سبب ءَ ملائیشیاء ءِ واکدارانی تحویل ءِ تہ اتنت ۔ آہاں را ھاسیں فلائیٹ ءِ وسیلگ ءَ وتن ءَ واتر آرگ بیت ۔ ربالکار پی آئی اےءِ ردا مزن وزیر پاکستان عمران خان ءِ ھاسیں دلگوشی ءَ چہ پاکستانی شہری یلہ بوتگ ات ۔ ہمکتر مزنیں کچ ءَ مردمانی ہمکتر زوت واتری ءِ ھاترا کجام ایئرلین ساجو نیست ات ۔ پی آئی اے ءِ چیف ایگزیکٹو آفیسر ائر مارشل ارشد ملک ءَ زوتیں وڈ ءَ اے معاملہ ءَ را وتی راجی فرض سرپد سمجھ اتگ وتی ہم وطن ءَ را واتر پاکستان ءَ سر کنگءِ ھاترا ھاسیں فلئیٹ آپریٹ کنگ ءِ جار جتگ ۔ ربالکار ءَ گیش گوشت کہ پی آئی اے باندات ءِ تہ ھم راجی فریضہ ادا کنگ ءِ جزم ایر کنگ انت پرچا کہ پی آئی اے پاکستان انت ءُُ پاکستان پی آئی اے انت ۔