پاک بحریہ میری ٹائم سیکٹر ءِ تہ پاداتگیں ھطرہ ءِ پیش نظر ملکی بحری سیمسرانی ءُُ دمگ ءِ بحری مفادات ءِ رکھگ ءِ تہ چکاریں کردءَ ادا کنگ انت،ملک ءِ صدر ڈاکٹر عارف علوی

اسلام آباد;47;کراچی ۔ 28 دسمبر (اے پی پی)صدر مملکت ڈاکٹر عارف علوی ءَ گوشت کہ پاک بحریہ میری ٹائم سیکٹر ءِ تہ پاداتگیں ھطرہانی پیش نظر ملکی بحری سیمسرانی ءُُ خطہ ءِ بحری مفادانی رکھگ ءِ تہ چکاریں کرد ءَ ادا کنگ انت، دوست ملکانی کیڈٹس ءِ ٹریننگ ءِ وسیلگ ءَ خطہ ءِ تہ امن ءُُ ایمنی،ہم آہنگی ءِ حصول ءِ تہ نیول اکیڈمی ءِ ھاسیں کرد انت ۔ ربالکار پاک بحریہ ءِ گوشگ ءِ ردا ھپتگ ءَ ادا چہ جاڑی جارانک ءِ ردا اے ھیالانی درشان آہاں پاک نیول اکیڈمی ءِ تہ 112می مڈشپ مین ءُُ 21می شارٹ سروس کمیشن پاسنگ آوٹ پریڈ ءِ تہ افسراں گوں تران کنان ءَ کتگ ات ۔ ایشی ءِ برجمداری پاک بحریہ ءِ نیمگا چہ کنگ بوتگ ات ۔ صدر مملکت ڈاکٹر عارف علوی پاسنگ آوَٹ پریڈ ءِ ھاسیں مہمان ات ۔ ڈاکٹر عارف علوی ءَ پاس آوَٹ بیوکیں افسراں را کڈنی داتگ کہ آں وتی وتی پت ءُُ پیروکی ءِ روایات ءُُ راج ءِ امیتانی سرا پیلو بباں ۔ ربالکار پاک بحریہ ءَ گوشت کہ پاکستان نیول اکیڈمی ءِ تہ 112می مڈشپ مین ءُُ 21می شارٹ سروس کمیشن پاسنگ آوٹ پریڈ ءِ برجمداری کتگ ۔ نیول اکیڈمی آھگ ءِ سرا پاک بحریہ ءِ سروک ایڈمرل ظفر محمود عباسی ءَ ھاسیں مہمان ءِ وش اتک کتگ ۔ ربالکار پاک بحریہ ءِ گوشگ ءِ ردا پاسنگ آوٹ پریڈ ءِ تہ199افسراں پاک بحریہ چہ کمیشن زوراتگ، پاس آوَٹ بیوکیں کیڈٹس ءِ تہ53درملکی ءُُ 7 زالبول کیڈٹس ھم ھوار انت،مڈشپ مین نوید احمد ءَ اعزازی شمشیر داد گپتگ ۔ صدر مملکت ڈاکٹر عارف علوی ءَ پاس آوَٹ بیوکیں کیڈٹس ءَ را مراد بات داتگ ءُُ شریں کارکردگی پیداروکیں مڈشپ مین ءُُ کیڈٹس ءِ تہ داد بھرءُُ بانگ کتگ ات ۔ ربالکار پاک بحریہ ءِ گوشگ ءِ ردا مراگش ءِ تہ دیمپانی وزیر پرویز خٹک، ٹوھیں فوجی افسراں ،دوست ملکانی اُردو ءِ نماھندگاں ءُُ کیڈٹس ءِ ھاندان ءَ مزنیں کچ ءَ بھرزوری کتگ ۔