مزن وزیر عمران خان ءِ خیبر پختونخوا ءِ صوبائی کابینہءِ باسکاں گوں نند ءُُ گند

پشاور ۔ 28 دسمبر (اے پی پی)مزن وزیر عمران خان ءَ گوشت کہ تمنی دمگانی پج کنگ ءِ راستیں مول ءُُ مراد اودی مہلوک ءَ را ملک ءِ دگہ بھرانی وڈ ءَ آسراتی پھجارگی انت، بدبہتی ءَ چہ گوست ءِ تہ ادا ءِ مہلوک ءَ را نظر انداز کنگ بوتگ، مزن وزیر ءَ کڈنی داتگ کہ تمنی دمگانی تہ بیءپار ءِ موہ ءَ ودانگ ءِ سرا دلگوشی دنت ایشی ءِ آسر ءَ دمگ ءِ تہ روزگار ءِ موہ ودی بنت ءُُ دمگ ءِ چاگردی ءُُ معاشی دیمروئی بیت ۔ اے ھیالانی درشان مزن وزیر ءَ ھپتگ ءَ ادا پشاور ءِ تروتاب ءِ موہ ءِ سرا خیبر پختونخوا ءِ صوبائی کابینہ ءِ باسکاں گوں گپ ءُُ تران کنان ءَ کتگ ات آہاں مزن وزیر ءَ گوں گند ءُُ نند کتگ ۔ گورنر خیبر پختونخواشاہ فرمان، وزیر اعلی محمود خان، چیف سیکرٹری، آئی جی پولیس ءُُ دگہ ٹوھیں افسر ھم گند ءُُ نند ءِ تہ ساڑی اتنت ۔ مزن وزیر ءَ گپ ءُُ تران کنان ءَ گوشت کہ تمنی دمگانی پج کنگ ءِ مکسد اودی مہلوک ءَ را ملک ءِ دگہ بھرانی وڈ ءَ آسراتی پھجارگی انت،بدبہتی ءَ چہ گوست ءِ تہ اے دمگ ءِ مہلوک ءَ را نظر انداز کنگ بوتگ ۔ آہاں گوشت کہ انضمام ءِ کار ءَ را سوبمندی ءَ گوں دیما برگ پاکستان تحریک انصاف (پی ٹی آئی) ءِ حکومت ءِ مزنیں سوبمندی انت ۔ مزن وزیر عمران خان ءَ گوشت کہ استیں حکومت ءَ مرج بوتگیں دمگانی ورناہانی ہاترا روزگار ءِ موہ پھجارگ مئے اولی دلگوشی ءَ ھوار انت ۔ مزن وزیر ءَ کڈنی دات کہ تمنی دمگانی تہ بیءپار ءِ موہ گیش کنگ ءِ سرا دلگوشی دنت ایشی ءِ سبب ءَ دمگ ءِ تہ روزگار ءِ موہ ودی بنت ءُُ معاشی دیمروئی کائیت ۔ مزن وزیر ءَ گوشت کہ سعودی عرب ءَ سیل ءُُ سوادی ءِ تک ءِ تہ سرمایہ کاری ءِ تہ دلچسپی ءِ درشان کتگ ۔ آہاں پنت ءُُ شون دات کہ خیبر پختون خواہ ءِ حکومت اے نیمگا دلگوشی ءَ دات تنکہ صوبگ ءِ تہ استیں ٹوارزم ءِ استعداد کار ءَ را کارمرز کنگ بیت ۔ آہاں گوشت کہ خیبر پختونخوا ءِ تہ پی ٹی آئی ءِ سرا مہلوک ءَ دوبر اعتماد ءِ درشان کتگ انت اے ھاترا مئے سرءَ گیشتر زمہ واری انت کہ مہلوک ءِ چکاریں ہزمت ءَ کنیں ۔