کراچی ۔ 27 دسمبر (اے پی پی) مزن وزیر عمران خان ءَ بزنس کمیونٹی ءِ واستہ کاروبار ءَ گیش آسانی پیداک کنگ ءِ جزم ءِ درشان کنان ءَ گوشت کہ سرج میں کوشست انت کہ ملک ءَ گیشاں چہ گیش سرمایہ کاری ءَ را دیمروئی بدیت، پاکستان ءِ دیمروئی ءَ تاجر برات ءُُ سرمایہ کار آنی ٹوھیں کرد ات، معاشی برجائی ءَ چہ پد زرّکاری نمبگ ءِ تہ ءَ گیشی …
مزن وزیر عمران خان ءِ پاکستان اسٹاک ایکسچینج ءَ ایوارڈ بھر ءُُ بانگ کنگی مراگش ءَ گوں گشتانک
گیشتریں ھال
کراچی ۔ 27 دسمبر (اے پی پی) مزن وزیر عمران خان ءَ بزنس کمیونٹی ءِ واستہ کاروبار ءَ گیش آسانی پیداک کنگ ءِ جزم ءِ درشان کنان ءَ گوشت کہ سرج میں کوشست انت کہ ملک ءَ گیشاں چہ گیش سرمایہ کاری ءَ را دیمروئی بدیت، پاکستان ءِ دیمروئی ءَ تاجر برات ءُُ سرمایہ کار آنی ٹوھیں کرد ات، معاشی برجائی ءَ چہ پد زرّکاری نمبگ ءِ تہ ءَ گیشی مئے دیمے گام انت، کسانیں ءُُ درمیانی درجگ ءِ کاروبار ءِ واستہ آسراتی پجاری کنگ مئے اولی کار انت، سیل ءُُ سوادی شوبگ ءَ را دیمروئی دیان ءَ ورنا آنی واستہ مزدگری ءِ موہ پیداک کنگ ءِ واھشت مند آں ۔ اے ھیالانی درشانی آئی ءَ پاکستان اسٹاک ایکسچینج ءَ ایوارڈ بھر ءُُ بانگ ءِ مراگش ءَ گشتانک دیان ءَ کت ۔ اے موہ ءِ سر ءَ درئی کارانی وزیر شاہ محمود قریشی، بنجاھی وزیر برائے آپی آسراتی فیصل واوڈا، بنجاھی وزیر برائے زرّئی کار سید علی زیدی، مشیر ھزانگ ڈاکٹر عبدالحفیظ شیخ، مشیر تجارت عبدالرزاق داءود، گورنر سندھ عمران اسماعیل، گورنر خیبرپختونخوا شاہ فرمان ءُُ گورنر سٹیٹ بینک آف پاکستان رضا باقر ءَ ھوار 25 مزنیں بزنس کمپنی آنی کلانہ ایں کارندھ ھم ساڑی اتنت ۔ مزن وزیر عمران خان ءَ گوشت کہ پاکستان ءَ را دیمروئی ءِ رد ءَ ٹوھ تریں کوھنڈگ ءِ سر ءَ برگ مئے ویژن انت، علامہ محمد اقبال ءَ وتی گال آنی تہ ءَ گہبودی ریاست ءِ تران کتگ بوتگ وھدیکہ پاکستان ءِ جوڑیشت کار محمد علی جناح ءَ ھمے موہ ءِ مراد ءِ چیر دستی ءَ پاکستان در جتگ ۔ پاکستان ھما مول ءُُ مراد ءِ واستہ جوڑ بوتگ ، مارا ایشی ءِ واستہ گیشاں چہ گیش کار کنگی انت ۔ اے موہ ءِ سر ءَ آئی ءَ ایوارڈ در جنوکیں تاجر آناں مبارک بات دات ۔ ایشی ءَ ابید مزن وزیر ءَ تاجر آناں ایورڈ داد بھر ءُُ بانگ کت ۔
