پاک بحریہ ءِ بحریہ عرب ءَ میزائل فائرنگ ءِ تجروبت

کراچی ۔ 27 دسمبر (اے پی پی) فائر پاور ءِ یک جوانیں تجروبتے ءِ ساھت ءَ پاک بحریہ ءَ گوریچانی زرّ ءَ آپ ءِ چیر ءَ چہ ءُُ بالی پلیٹ فارم ءَ میزائل آنی کامیاتیں فائرنگ ءِ وسیلگ ءَ وتی جنگی تیاری ءِ درشان کت ۔ شارٹ رینج ائیر ڈیفنس سسٹم ءَ ھم میزائل فائرنگ ءِ تجروبت کنگ بوت ۔ آدینگ ءِ روچ ءَ جاڑی بوتگیں جار ءِ رد ءَ اے موہ ءِ سر ءَ چیف آف دی نیول اسٹاف ایڈمرل ظفر محمود عباسی ءَ ھاسیں مہمان ءِ بستار ءَ بھر زوری کت ءُُ ویپن ’’وتاس‘‘ فائرنگ ءِ تپاسی کت ۔ پاک بحریہ ءِ جنگی آپی جہاز ءُُ بالی جہاز ءَ چہ اینٹی شپ میزائل، فاسٹ اٹیک کرافٹ (میزائل) ءُُ زرئی آپ چیر ءَ چہ جنوکیں لینڈ اٹیک میزائل وھدیکہ پاک بحریہ ءِ بالی دیمپانی ازمکاری آنی پکو کنگ ءِ واستہ مکران کوسٹ ءَ چہ ائیر ڈیفنس میزائل فائر کنگ بوت ۔ میزائل آں پاک بحریہ ءِ جنگی ازمکاری ءُُ جنگی تیاری آناں پکو کنان ءَ وتی لوٹ بوتگیں سیم سر ءَ را کامیاتی ءِ گوما نشانگ بست ۔ اے موہ ءِ سر ءَ چیف آف دی نیول اسٹاف ایڈمرل ظفر محمود عباسی ءَ پاک بحریہ ءِ فلیٹ ءُُ کوسٹل کمانڈ ءِ آپریشنل تیاری آنی سر ءَ دل یکیمی ءِ درشان کت وھدیکہ اپسرگ ءُُ ورنا آنی کزبی کار کرد ءَ را ساڑات ۔ آئی ءَ گیش گوشت کہ پاک بحریہ یک مھک میں اُرد ات ایش ملکی زرّئی سیت ءُُ نپ آنی رکھینگ ءُُ ایشاناں دیم ءَ جنزینگ ءِ ازم ءَ دار ایت ۔ آئی ءَ اے جزم ءِ درشان کت کہ پاک بحریہ ملکی زرّئی سیم سر آنی دیمپانی کنگ ءُُ کجام ھم رنگے کشاں چیل ءَ را دپ پروشیں پسو دیگ ءَ تیار انت ۔