اسلام آباد ۔ 27 دسمبر (اے پی پی) صدر مملکت ڈاکٹر عارف علوی ءَ گوشت کہ پاکستان ءِ گیشاں چہ گیش کوشست انت کہ متحدہ عرب امارات ءِ گوما تجارت، سرمایہ کاری، ھاٹیگ، دود ءُُ ربیدگ ءُُ سیل ءُُ سواد ءَ ھوار توا میں شوبگ آنی تہ ءَ استیں دو نیمگی یکوئی آناں گیش برجم کنگ بہ بیت ۔ اے ھیالانی درشانی آئی ءَ صدر ءِ مملکت ءَ متحدہ عرب …
صدر مملکت ڈاکٹر عارف علوی ءِ متحدہ عرب امارات ءِ وزیر شیخ نیہان بن مبارک النیہان ءَ گوں گند ءُُ نند ءَ تران
گیشتریں ھال
اسلام آباد ۔ 27 دسمبر (اے پی پی) صدر مملکت ڈاکٹر عارف علوی ءَ گوشت کہ پاکستان ءِ گیشاں چہ گیش کوشست انت کہ متحدہ عرب امارات ءِ گوما تجارت، سرمایہ کاری، ھاٹیگ، دود ءُُ ربیدگ ءُُ سیل ءُُ سواد ءَ ھوار توا میں شوبگ آنی تہ ءَ استیں دو نیمگی یکوئی آناں گیش برجم کنگ بہ بیت ۔ اے ھیالانی درشانی آئی ءَ صدر ءِ مملکت ءَ متحدہ عرب امارات ءِ وزیر شیخ نیہان بن مبارک النیہان ءِ گوما گپ ءُُ تران ءِ ساھت ءَ کت آئی ءَ ایوان ءِ صدر ءَ گوں صدر ءِ مملکت ءَ گند ءُُ نند کت ۔ صدر ءِ مملکت ءَ گوشت کہ پاکستان ءُُ متحدہ عرب امارات وت مہ وت نزیکیں ملک انت ایش وتی دوستی ءُُ یکوئی ءَ چہ سیت مند بوھگ ءَ انت ۔ آئی ءَ گوشت کہ نیک راھی نزیکی، دود ءُُ ربیدگ ءُُ مڈی ءِ مھک میں بنیات آنی رد ءَ برجا انت ۔ آئی ءَ گوشت کہ ایمنی ءُُ برجائی ءِ واستہ متحدہ عرب امارات ءِ کوشست آناں ساڑا آں ۔ صدر ءِ مملکت ءَ اے گپ ءَ را سہرا کت کہ 16لکھ پاکستانی کمیونٹی ءِ مردم آں دوئیں ملک آنی نیام ءَ یکوئی ءَ را مھکم جوڑ کنگ ءَ پل ءِ کرد ءَ پیلو کنت ۔ آئی ءَ گوشت کہ سرج میں راج متحدہ عرب امارات ءِ دیمروئی ءَ کرد پیلو کنوکیں پاکستانی مردم آنی سر ءَ پھر انت ءُُ متحدہ عرب امارات ءَ پاکستانی ورکرز آنی واستہ گیش روزگار ءِ موہ پیداک کنگ ءِ ضلورت ءِ سر ءَ زور دات ۔
