اسلام آباد ۔ 27 دسمبر (اے پی پی) پاک بحریہ قطبی بحیرہ عرب و مکران کوسٹ آ چندی میزائل فائر کننگ نا سرسہب درشانی ءِ کرے ۔ ترجمان پاک بحریہ نا رداٹ پاک بحریہ نا سروک ایڈمرل ظفر محمود عباسی چندی میزائل آتا فائر کننگ و ہدف آتے شست کننگ نا مشاہدہ ءِ کرے ۔ پاک بحریہ نا جنگی بحری جہاز و ہوائی جہاز سطح سمندر آ خلوک آ اینٹی شپ میزائلز فائر کرے ۔ پاک بحریہ نا فاسٹ اٹیک کرافٹ سطح سمندر آن ڈغار آ میزائل فائر کرے وخت اس کہ سمندر اٹی روایتی آبدوز آن ہم ڈغار آ میزائل فائر کننگا ۔ داکان بیدس مکران کوسٹ آن ایئر ڈیفنس میزائل ہم فائر کننگا ۔ فائر کروک آ چندی میزائل آک تینا ہدف آتے بے کچ سرسہبی اٹ شست کرے ۔ چندی میزائل آتا سم کاری نا دا سرسہب آزموندہ غاک پاک بحریہ نا آپریشنل لاءخی نا شاہدی اسے ءُ ۔ امیر البحر ایڈمرل ظفر محمود عباسی پاک بحریہ نا آپریشنل تیاری تیا است جمی نا درشانی ءِ کرسا پارینے کہ پاک بحریہ ہروڑنا جارحیت نا پبی ورندی ءِ تننگ نا پبی لاءخی تخک ۔
