وزیر ءِ مملکت برائے موسمی مٹ ءُُ بدلی زرتاج گل ءِ ’’ اے پی پی ‘‘ ءَ را گلگدار

اسلام آباد ۔ 27 دسمبر (اے پی پی) وزیر ءِ مملکت برائے موسمی مٹ ءُُ بدلی زرتاج گل ءَ گوشت کہ بنجاھی دارالحکومت ءَ ایٹماسپئر ءِ کانود آنی ھلاپ کنوکیں ہاءوسنگ سوساءٹی آنی ھلاپ ءَ کاروائی بیت، گیشتریں منظور بوتگیں ہاءوسنگ سوساءٹی ھم گرین بیلٹس آناں تجارتی مول ءُُ مراد ءِ واستہ کارمرد کنگ ءَ انت ۔ اے پی پی ءَ وتی یک انٹرویو ءَ آئی ءَ گوشت کہ پاکستان ءِ ایٹماسپئر ءِ رکھینگ ءِ محکمہ ای پی اے توا میں دیمروئی منصوبگ ءُُ ہاءوسنگ سوساءٹی آنی ھوالگ ءَ السی گوشداری ءِ بندوبست کنگ ءَ انت ۔ وزارت ءِ موسمی مٹ ءُُ بدلی ای پی اے ءَ را گیش مھکم ءُُ وت مستر جوڑ کنت تانکہ ایٹماسپیئر ءِ کانود آنی گیش لگت مالی کنوک آنی ھلاپ ءَ زوتاں زوت کاروائی کت بکنت ۔ زرتاج گل ءَ گوشت کہ پارکس ءُُ گرین بیلٹس آناں تجارتی پلاٹ آنی تہ ءَ مٹ کنوکیں سوساءٹی آنی این او سی رد کنگ بیت ۔ آئی ءَ گوشت کہ مزن وزیر عمران خان ءَ بنجاھی دارالحکومت ءَ گیش برز ءُُ بلندیں ماڑی آنی جوڑیشت ءِ سر ءَ بندش دور کتگ ایشی ءَ چہ شہر ءَ برز ءُُ بلندیں ماڑی آنی جوڑیشت ءِ تہ ءَ گیش گیشی بیت ءُُ جتا جتائیں ہاءوسنگ منصوبگ آنی رد ءَ کارمرد بوھوکیں زمین آناں سرسبز کنگ بیت ۔ آئی ءَ جتا جتائیں سامان آنی جوڑیشت ءِ تہ ءَ ’’پارہ‘‘ آپینک ءِ گیشاں چہ گیش کارمردی ءِ بابت ءَ گوشت کہ گر ءُُ دار ءِ واستہ گامگیج کنگ بوھگ ءَ انت ۔ اے ھوالگ ءَ کانود جوڑ کنگ ءِ مسل ھم تیار کنگ بوتگ اَنت ایشاناں وزارت ءِ نیشنل ہیلتھ سروسز ءِ پنت ءُُ شون رسگ ءَ پد صدر ءِ منظوری ءِ واستہ روان دیگ بیت ۔