اسلام آباد ۔ 27 دسمبر (اے پی پی) چین ءَ پاکستان ءُُ بھارت ءِ سر ءَ زور پر دات کہ آ اوپار کشی ءِ درشان ءُُ ھما رنگیں کاروائی ءَ چہ دست کشی بکن اَنت آئی ءَ چہ دوئیں ملک آنی نیام ءَ کشاں چیل ءِ تہ ءَ گیشی بہ بیت ۔ دوئیں ملک آنی کشاں چیل سول ءُُ تران ءِ وسیلگ ءَ ایمنیں رنگ ءَ گیوار کنگ لوٹ ایت ۔ آدینگ ءِ روچ ءَ بیجنگ ءَ ھمک ھپتگی پریس بریفنگ ءِ ساھت ءَ چینی وزارت ءِ درئی کار ءِ ترجمان گینگ شوانگ ءَ ایل او سی ءِ سر ءَ پاکستانی ءُُ بھارتی فورسز آنی نیام ءَ تیر گواری ءِ ھوالگ ءَ یک جستے ءِ پسو ءَ گوشت کہ پاکستان ءُُ بھارت دوئیں ملک یک ءُُ دگر ءِ ھمساھگ انت ھما دوئیں آں گوں دست بندی کناں کہ آ اوپار کشی ءُُ اے رنگیں کاروائی مکن اَنت ایشی ءَ چہ دوئیں ملک آنی نیام ءَ کشاں چیل ءِ تہءَ گیشی بیت ۔ ترجمان ءَ گوشت کہ دوئیں ملک آناں پڑ ءِ ایمنی ءُُ برجائی ءَ را مھکم دارگ ءِ واستہ کشاں چیل آناں سول ءُُ تران ءِ وسیلگ ءَ ایمنیں رنگ ءَ گیوار کنگ لوٹ ایت ۔
