شاری تے بنداوی حق انا فراوانی تحریک انصاف نا حکومت نا وژن ءِ، قائم مقام اسپیکر قومی اسمبلی قاسم خان سوری نا کوءٹہ ٹی نادرا سینٹر نا بناءِ کننگ نا وخت آ گپ و تران

کوءٹہ ۔ 26 دسمبر (اے پی پی) قائم مقام اسپیکر قومی اسمبلی قاسم خان سوری پارینے کہ شاری تے بنداوی حق انا فراوانی تحریک انصاف نا حکومت نا وژن ءِ ، پاکستان نا شست درسد آبادی ورناتیا تالان ءِ، داخیال آتا درشانی ءِ او کوءٹہ نا علاقہ سٹیلاءٹ ٹاءون اٹی نادرا سینٹر نا بناءِ کننگ نا وخت آ گپ وتران کرسا کرے ۔ داوخت آ ڈی جی نادرا و ایلو بڑزکو آفیسرآک ہم ساڑی ئسر ۔ قائم مقام اسپیکر قومی اسمبلی قاسم خان سوری پارے کہ پاکستان نا شست درسد آبادی ورناتیا تالان ءِ ننا کوشست ءِ کہ پاکستان نا ورناتے روزگار فراوان کین و نادرا ءِ سرسہب ورنا پروگرام تون گنڈنگانے تانکہ ورناک شفاف وڑاٹ روزگار اس فراوان کننگے ۔ اوپارے کہ دا سینٹر آن پشتون آباد، سٹیلاءٹ ٹاءون ، غوث آباد و کوءٹہ نا ایلو علاقہ غاتا شاریک داڑان فائدہ ہرفنگ کیرہ ۔ داوخت آ نادرا جی ایم ءِ خواست کیوہ کہ ملک انا ایلو علاقہ غاتیانبار کوءٹہ و بلوچستان نا الس ءِ نادرا نا زیات آن زیات آسراتی فراوان کے ۔