مزن وزیر ءِ ھاسیں کمکار برائے نیشنل ہیلتھ سروسز ریگولیشنز اینڈ کوارڈینیشن ڈاکٹر ظفر مرزا ءَ گوں ایران ءِ نائب وزیر جان سلامتی باغرلاریجانی ءِ سروکی ءَ ڈل ءَ گوں گند ءُُ نند

اسلام آباد ۔ 26دسمبر(اے پی پی) مزن وزیر ءِ ھاسیں کمکار برائے نیشنل ہیلتھ سروسز ریگولیشنز اینڈ کوارڈینیشن ڈاکٹر ظفر مرزا ءَ گوں ایران ءِ ڈپٹی وزیر ءِ جان سلامتی ڈاکٹر باغر لاریجانی ءِ سروکی ءَ مزن تکی ڈل ءَ پنچ شمبے ءِ روچ ءَ ادا گند ءُُ نند کت ۔ گند ءُُ نند ءِ ساھت ءَ جان سلامتی ءِ شوبگ ءَ دو نیمگی ءُُ جتا جتائیں وت مہ وتی واھگی کار آنی سر ءَ ھیال ریچی کنگ بوت ۔ ڈائریکٹر جنرل ہیلتھ ڈاکٹر اسد حفیظ ءَ ڈل ءِ استیں حکومت ءِ نیمگ ءَ جان سلامتی ءِ شوبگ ءَ کتگیں گہتری کار آنی بابت ءَ سرپد کت ۔ اے موہ ءِ سر ءَ مزن وزیر ءِ ھاسیں کمکار برائے نیشنل سروسز ریگولیشنز اینڈ کوارڈینیشن ڈاکٹر ظفر مرزا ءَ گوشت کہ ایران ءُُ پاکستان ءِ جان سلامتی شوبگ ءَ یک ءِ دومیگ ءِ تجروبت آں چہ سیت چست کنگ ءَ آں ۔ آئی ءَ گوشت کہ پاکستان ءِ طبی کلانہ آنی ڈل ءَ ھمے ماہ ءَ ایران ءِ پرائمری کیئر سسٹم ءِ تپاسی کتگ ۔ مئے طبی کلانہ ایران ءِ پرائمری ہیلتھ کئیر سسٹم ءَ چہ سک باز آماچ بوھگ ءَ انت ءُُ بازیں چیز سیکگ ءَ انت ۔ ڈاکٹر ظفر مرزا ءَ گوشت کہ جان سلامتی شوبگ ءَ مزنیں تک ءَ گہتری ءِ کار جاڑی انت ۔ ایران ءِ ڈپٹی وزیر جان سلامتی ڈاکٹر باغرلاریجانی ءَ گوشت کہ اے تر ءُُ تاب ءَ چہ جان سلامتی شوبگ ءَ ایران ءُُ پاکستان ءِ وت مہ وتی آناں گیشی رسیت ۔