کیبل ٹی وی 3994لیسن جاری کننگا، پیمرا شش تو اٹی بیدس لیسن نا کاریم کروک آ 112کیبل ٹی وی نیٹ ورک آتا برخلاف کارروائی کرے
اسلام آباد۔ 17 فروری (اے پی پی) وزیر مملکت اطلاعات و نشریات مریم اورنگزیب پارینے کہ ہر چار آ صوبہ غاتیٹی داوخت اسکان 3994کیبل ٹی وی لیسن جاری کننگانے، پیمرا گدرینگوک آ شش تو اٹی بیدس لیسن نا کاریم کروک آ 112 کیبل ٹی وی نیٹ ورک آتا برخلاف کارروائی کرینے، 174کیبل ٹی وی نیٹ ورک آتے اظہار وجوہ نا نوٹس جاری کننگانے۔ جمعہ آ ایوان بالا ٹی وقفہ سوج آتیٹی چوہدری نتویر خان، طلحہ محمود ، اعظم سواتی، جہانزیب جمالدینی و ایلو باسک آتا سوج آتا ورندی ٹی اوپارے کہ پنجاب اٹی 2591، سندھ اٹی 883، خیبر پختونخوا ٹی 206، بلوچستان اٹی 98 ، اسلام آباد اٹی 114و گلگت بلتستان اٹی 102کیبل ٹی وی لیسن جاری کننگانے۔ ملک اٹی 112غیر کانودی کیبل ٹی وی نیٹ ورک کاریم کریرہ ہرافتا برخلاف کارروائی کننگانے۔ اوفتے ٹی 97 پنجاب، 12سندھ و 3خیبر پختونخوا ٹی ئسر۔ پنجاب اٹی جتا وڑ نا خلاف ورزی کننگ آ 161، سندھ اٹی 5، بلوچستان اٹی 3و اسلام آباد اٹی 5کیبل ٹی وی نیٹ ورک ءِ اظہاروجوہ نانوٹس جاری کننگانے۔ اوپارے جکہ پیمرا غیر کانودی بھارتی ڈی ٹی ایچ نا برخلاف مہم نابناءِ کرے تو کم و ود 135اظہار وجوہ نا نوٹس جاری کننگا۔ کیبل آپریٹرآتے اظہار وجوہ نا نوٹس نا ورندی تننگ نا مناسب وخت تننگا۔ اوپارے کہ پی ٹی وی، پی آئی ڈی ، انفارمیشن سروسز اکیڈمی، انسٹیٹیوٹ آف ریجنل سٹڈیز و سائبر ونگ نا ہیومن ریسورس آڈٹ کننگ انگءِ ہرا مارچ اپریل اسکان پورو مریک ۔
