منشیات نا عادی بندغ آتا بحالی نا بنجاتے کن المی فنڈ فراوان کننگک
اسلام آباد۔ 17 فروری (اے پی پی) وزیر مملکت داخلہ انجینئر بلیغ الرحمان پارینے کہ منشیات نا عادی بندغ آتا بحالی کن ملک اٹی مسہ بنجا کاریم کننگ ءُ ، دا بنجاتے کن المی فنڈ فراوان کننگک۔ جمعہ آ ایوان بالا ٹی سینیٹر طلحہ محمود ، جہانزیب جمالدینی، چوہدری تنویر خان و ایلوباسک آتا سوج آتا ورندی ٹی وزیر مملکت داخلہ پارے کہ منشیات نا عادی بندغ آتا درمان و بحالی کن مسہ بنجااسلام آباد، کوئٹہ و کراچی ٹی کاریم کننگ ءُ، کراچی نا بنجاء مخیر خواجہ غاتا کمک اٹ کاریم کننگ ءِ۔ اوپارے کہ دا بنجاتیٹی اولیکومسہ سال اٹی 3408 مریض آتا درمان کننگا۔ کراچی ٹی 1660، کوئٹہ ٹی 647و اسلام آباد اٹی 1101 مریض آتا درمان کننگا۔ منشیات نا عادی بندغ آتا بحالی کن پین فنڈ ہم فراوان کننگک۔ اوپارے کہ پشاور اٹی ہم اینخو نا سال منشیات نا عادی بندغ آتا بحالی نا بنجااس جوڑ کننگ انگ ءِ وخت اس کہ کراچی نا بنجاءِ 55کٹ آتیان ودفسا 103کٹ آتا کرینے۔
