چینی بالی کمپنی ءَ اسلام آباد ءُُ کنمنگ ءِ نیام ءَ بالیگ آنی بنگیج کت

کنمنگ ءِ چانگ شوئی میاں اوستمانی ایئر پورٹ ءِ سر ءَ مراگش ءِ بنگیج، اولی بالیگ چین ءِ جوانیں وھد ءُُ پاس ءِ رد ءَ بیگاہ8بج ءُُ 5منٹ ءِ سرءَ روادگ بیت ءُُ پاکستان ءِ وھد ءِ رد ءَ شپ11بج ءُُ 20منٹ ءِ سر ءَ اسلام آباد ءَ پج ایت

بیجنگ ۔ 26 دسمبر (اے پی پی) چینی بالی کمپنی ءَ اسلام آباد ءُُ کنمنگ ءِ نیام ءَ بالیگ آنی بنگیج کتگ، اے ھولگ ءَ اولی بالیگ سی زیڈ 6071 کنمنگ ءَ چہ اسلام ;200;باد ءِ واستہ روادگ کنگ بوت ۔ چائنہ نیوز نیٹ ورک ءِ رپوٹ ءِ رد ءَ اسلام آباد ءُُ کنمنغ ءِ نیام ءَ بالی روگ ءُُ آیگ آنی بنگیج ءِ ھوالگ ءَ کنمنگ ءِ چانگ شوئی میاں اوستمانی ائیر پورٹ ءَ مراگش ءِ بست ءُُ بند کنگ بوت ءُُ چین ءِ جوانیں وھد ءُُ پاس ءِ رد ءَ بیگاہ ءِ 8بج ءُُ 5منٹ ءِ سرءَ اولی بالیگ ;6790;-6071 ءَ را اسلام آباد ءِ واستہ روادگ کنگ بوتگ ایش پاکستان ءِ وھد ءُُ پاس ءِ رد ءَ 11بج ءُُ20منٹ ءَ اسلام آباد ءَ پج ات ۔ رپورٹ ءِ رد ءَ کنمنگ ءُُ اسلام آباد ءِ نیام ءَ اولی رنگ ءَ یک شل ءَ بالیگ آنی بنگیج کنگ بوتگ ایشی ءَ چہ پاک چین دو نیمگی یکوئی ءُُ تجارتی ڈل آنی روّوا آناں کمک رسیت ۔ چینی کمپنی دو شمبے، پنچ شمبے ءُُ شمبے ءَ اسلام آباد ءُُ کنمنگ ءِ نیام ءَ بالیگ گراب چلائین ایت ۔