حاجی پیر سیکٹر ءَ پاک اُرد ءِ جوانیں کاروائی ءَ 3 بھارتی اُرد جنگ بوت، ڈی جی آئی ایس پی آر

دیوا سیکٹر ءَ بھارتی اُرد ءِ کور ءُُ کائی تر گواری ءَ چہ پاک اُرد ءِ 2 ورنا شہید

راولپنڈی ۔ 26 دسمبر (اے پی پی)کنٹرول لائن ءِ سر ءَ بھارتی اُرد ءِ کور ءُُ کائی تیر گواری ءَ چہ پاک اُرد ءِ 2ورنا شہید بوت ، پاک اُرد ءِ وھد ءِ سر ءَ پسوئی کاروائی ءَ چہ 3بھارتی اُرد جنگ بوت ءُُ بازیں بھارتی اُرد ٹپیگ بوھگ ءِ ھال انت ۔ پاک اُرد ءِ شوبگ (آئی ایس پی آر) ءِ ڈائریکٹر جنرل میجر جنرل آصف غفور ءَ وتی ٹویٹ ءَ گوشت کہ گوستگیں 36کلاک آنی ساھت ءَ بھارت ءِ نیمگ ءَ چہ کنٹرول لائن ءِ سر ءَ جنگ بندی ءِ منوگری ءَ را بازیں رند ءَ ھلاپ کنگ بوتگ، کنٹرول لائن ءِ حاجی پیر سیکٹر ءَ بھارتی اُرد ءِ کور ءُُ کائی تیر گواری ءِ پد ءَ پاک اُرد ءَ جوانیں پسوئی کاروائی کتگ ۔ پاکستانی فورسز آنی کاروائی ءَ صوبیدار ءَ ھوار 3بھارتی اُرد جنگ بوت ءُُ بازیں ٹپیگ بوت ۔ کنٹرول لائن ءِ دیوا سیکٹر ءَ بھارتی اُرد ءِ کور ءُُ کائی تیر گواری ءَ چہ پاک اُرد ءِ 2 ورنا ھم شہید بوت ۔ شہید بوھوکیں ورنا آنی تہ ءَ نائب صوبیدار کانڈیرواور سپاہی محمد احسن ھوار انت ۔ نائب صوبیدار کانڈیرو ءِ سیادی سکھر ءِ تحصیل پنوں عاقل ءُُ محمد احسن ءِ سیادی گوں جہلم ءِ تحصیل پنڈ دادن خان ءَ اِنت ۔