اسلام آباد ۔ 26 دسمبر (اے پی پی)صدر مملکت ڈاکٹر عارف علوی ءَ گوشت کہ وانگ ءُُ زانگی وظیفہ آنی ھوالگ ءَ ھمک مردم سرپد انت، وانگ ءُُ زانگی وظیفہ آنی بنگیج ءَ چہ ساپ ءُُ سلہ ئی ھمک رنگ ءَ دل یکیمی جوڑ کنگ بیت، ھاندان آنی ھیل کاری ءَ وانندگیں زالبول آنی بنیاتی کرد انت ۔ ’’احساس انڈر گریجویٹ پروگرام‘‘ ءِ تہ ءَ نودربر آئی واستہ 50درسد وظیفہ ایر کنگ بوتگ ایش وشیں گپ ات ۔ اے ھیالانی درشانی ا ائی ءَ صدر ءِ مملکت ڈاکٹر عارف علوی ءَ ہائر ایجوکیشن کمیشن ءَ ’’ احساس انڈر گریجویٹ پروگرام‘‘ ءِ چیر دستی ءَ وائس چانسلرز کمیٹی ءِ مراگش ءَ گوں گشتانک دیان ءَ کت ۔ صدر ءِ مملکت ءَ گوشت کہ نودربری ءِ زمانگ ءَ زبر بوھگ ءِ پد ءَ وظیفہ گپتگ ءُُ اولی ماسٹر ڈگری وظیفہ ءِ گرگ ءِ وسیلگ ءَ سرجم کتگ ۔ آئی ءَ گوشت کہ ھمے ھاترا وانگی وظیفہ ءِ ارزشت ءِ ھوالگ ءَ جوانی ءَ سرپد آں ءُُ ایشی ءِ ارزشت ءَ چہ بُکگ جت نہ کناں ۔ اے موہ ءِ سر ءَ ’’احساس پروگرام‘‘ ءِ چیئرمین پرسن ڈاکٹر ثانیہ نشتر ءَ ھم گشتانک دات ءُُ ’’احساس انڈر گریجویٹ پروگرام‘‘ ءِ بنیاتی کوکا ءِ سر ءَ چمشانک دات ۔
