مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءِ راجی ھال رسانکی ادارگ ایسوسی ایٹڈ پریس آف پاکستان ءِ ایوارڈ ءِ بھر ءُُ بانگی مراگش ءَ گوں گشتانک

اسلام آباد۔ 25 دسمبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ 2020 ءَ ملک ءِ جوڑیشت ءُُ دیمروئی، معاشی برجائی ءُُ ریلیف ءِ سال نامینان ءَ گوشت کہ مزن وزیر عمران خان ءَ 23سال ءَ چہ سرجمیں کوشست ءَ چہ پد پاکستان ءَ را برجمیں پاکستان ءِ سفر ءَ رھادگ کتگ، ا ٓ روایتی ساستدان ءِ نہ ات بلکینگ ءَ یک ٹوھیں نامداریں لیڈر ات، آ زاتی سیت ءِ مٹ ءَ راجی سیت آناں ترجی دنت، الس ءِ وشھالی ءُُ آیوکیں باھند آنی ھوالگ ءَ سسا کنت، 2020 مزن وزیر ءِ سروکی ءَ معاشی برجائی در جنگ ءَ چہ برورد الس آں تاں رسینگ ءِ سال بیت، دگنیا ءِ دیم ءَ ملک ءِ جوانیں پجار ءَ را سہرا کنگ ءُُ راجی بیان آناں دیمروئی ءِ واستہ راجی ھال رسانکی ادارگ ”اے پی پی“ ارزشتی ایں کرد ءِ دار ایت، عمران خان ءِ ویژن ءِ رد ءَ اے پی پی ءَ را انچیں ادارگ ءِ جوڑ کناں کہ سرجمیں دگنیاے ھال رسانکی ادارگ ایشی ءَ را رول ماڈل بہ نامین انت۔ آ چار شمبے ءِ روچ ءَ نیشنل لائبریری ءَ راجی ھال رسانکی ادارگ ایسوسی ایٹڈ پریس آف پاکستان (اے پی پی) ءِ ایوارڈ آنی بھر ءُُ بانگ کنگ ءِ مراگش ءَ گوں گشتانک دیانءَ کت۔ سینیٹ ءِ قائمہ کمیٹی برائے اھوالکاری ءُپ شنگ کاری ءِ چیئرمین سینیٹر فیصل جاوید، ایم ڈی اے پی پی ڈاکٹر طارق محمود خان، پی آئی او رائے طاہر حسن، ایگزیکٹو ڈائریکٹر غواص خان، نیشنل پریس کلب ءِ صدر شیکیل قرار، پی ایف یو جے ءِ پیسریگیں صدر افضل بٹ ھم مراگش ءَ ساڑی اتنت۔ مراگش ءَ گشتانک دیان ءَ مزن وزیر ءِ ھاسیں کمکار ڈاکٹر فردوس عاشق اعوان ءَ قائداعظم محمد علی جناح ءِ ودی بوھگ ءِ روچ ءِ درگت ءُُ سرجمیں دگنیا ءَ عیسائی برات آناں کرسمس ءِ مبارک بادی پیش کنان ءَ گوشت کہ قائداعظم محمد علی جناح ءَ مُدام کار، کار ءُُ کار ءِ سر ءَ زور پر داتگ، آئی ءِ جوانیں جوش ءُُ جوزگ ءُُ کمنٹمٹ ءَ چہ پاکستان ءَ وتی سفر بندات کتگ، پاکستان ءَ مُدام درئی نیک راھی منوک آناں رکھینگ ءُُ بنیاتی ھک داتگ انت۔ آئی ءَ گوشت کہ مزن وزیر عمران خان ءِ جزم ءِ گوما دیمروئی ایجنڈا آنی رد ءَ کمک جاڑی داران ءَ نوکیں پاکستان ءِ بنیات ایر کتگ۔ آئی ءَ گوشت کہ ھما مردم زاتی کسد ءُُ کینگ آناں یک نیمگ ءِ ایر بکنت ءُُ یک مول ءُُ مرادے ءِ ھاترا بہ اوشت ایت آ اللہ تعالیٰ ءِ طاقت ءَ چہ چیلنج آناں موہ آنی تہ ءَ مٹ کنت، مرچی سک باز راجدپتری ءُُ ارزشتی ایں روچ ات۔ اے روچ ءَ شرپ مندیں لیڈر قائداعظم محمد علی جناح ءِ ودی بوھگ ءِ روچ انت، ھمے روچ ءَ سرجمیں دگنیا ءَ عیسائی برات کرسمس برجم دار انت وھدیکہ اے روچ اے پی پی ءِ راجدپتر ءَ ھم سک باز ارزشتی انت وھدیکہ آ نوکیں بنگیج ءِ کنگ ءَ انت ءُُ استیں زمانگ ءِ لوٹ آنی رد ءَ وت ءَ را ھمگام کنگ ءِ واستہ ھاسیں گامگیج چست کنگ ءَ انت، جوانیں کار کرد ءِ درشان کنوکیں اھوالکار ءُُ ایندگر اسٹاف آنی دلبڈی ءِ واستہ ایوارڈ آنی بھر ءُُ بانگ جوانیں شاتیں گپ ات۔ آئی ءَ گوشت کہ اگاں لیڈر ءِ جوانیں سا ساچ مہ بوت ایناں گڈا قائدعظم ءِ رنگ ءَ لستیں باسک آں ی گوما گواچنی کامیاتی در جنگ ءَ کامیات بوتگ اَت، قائداعظم ءَ ھما رنگ ءَ نہ بوتگین ءَ را کت ءُُ پیش داشتگ ھمے رنگ ءَ عمران خان ءَ ھم پاکستان ءِ جوڑیشت ءِ 72سال ءَ چہ پد وتی 23سالی جہد ءُُ کوشست ءَ چہ پد پاکستان ءَ را برجائی ءِ نیمگ ءَ رھادگ کنگ ءَ کامیات بوتگ۔ آ23سال کانود ءِ سروکی ءُُ میرٹ ءِ سروکی ءِ گپ ءَ کنگ ءَ انت ءُُ رھشون ءِ گواچنی پاکستان ءِ واستہ روایتی سیاسی کوکا ءَ را پادانی کپتگیں ٹوکھری ءَ را ملیا میٹ کتگ ءُُ دُزی ءُُ پُلگ ءِ سیاست کنوک آناں کبر ءُُ کسارت کتگ۔ آئی ءَ گوشت کہ نیلسن منڈیلا ءَ چہ کسے ءَ جست کت کہ سیاستدان ءُُ لیڈر ے نیام ءَ چے پرک بیت گڈا آئی ءَ گوشت کہ سیاستدان یک الیکشنے باج برگ ءَ پد آیوکیں الیکشن ءَ تاں سسا کنت کہ آئی ءِ پالیشی آئی ءِ زاتی سیت ءِ رکھینگ ءَ پکار بیت لیڈر زاتی سیت ءِ مٹ ءَ السی سیت ءُُ آیوکیں باھند آنی روژنائیں باندات ءِ ھاترا سسا کنت اے رنگ ءَ مزن وزیر عمران خان ھم سیاستدان آنی مٹ ءَ لیڈر جوڑ کنوکیں باھند آنی واستہ پالیشی جوڑ کنگ ءَ آئی ءَ گوشت کہ قائداعظم محمد علی جناح ءِ سسا ءُُ لیکہ آناں مُدام یات کنگ بیت آئی ءِ لیکہ ھمیش بوتگ اَنت کہ ادارگ آناں وت مستر جوڑ کنگ، کانود ءِ سروکی ءُُ ایمان، یکوئی، یک مشتی، دل یکیمی ءِ سبک، مزن وزیر عمران خان محمد علی جناح ءِ پاکستان ءِ واب آنی سرجم کنگ ءِ واستہ کوشست کنگ ءَ انت۔ آئی ءَ گوشت کہ اگاں عمران خان ءَ را ایوک ءَ سیاست کنگی بوت انت گڈا پنچ سال ءِ ٹائم آسانی ءَ چہ گوازینت کت کتگ اَنت، دُز ءُُ ڈنگ ءُُ ڈاکو آناں یلو کتگ ات، کس ءَ را جست ءُُ پرس نہ کتگ اَنت درست شر انت ءِ ھال درستیں نیمگ ءَ چہ اتکگ اَت بلے آٗی ءَ وتی زاتی سیت ءِ مٹ ءَ راجی سیت ءَ را ترجی داتگ۔ چیا کہ آئی ءَ را الس آں ھمے رد ءَ ووٹ داتگ، گواچنی مٹ ءُُ بدلی ءِ بنگیج راجی ھال رسانکی ادارگ ءَ چہ ھم بوتگ، ھما چاگرد ءَ جزا ءُُ سزا ءِ کار ھلاس ءُُ راست ءُُ دروگ ءِ تہ ءَ پرک نہ بیت آ چاگرد وتی پجار ءَ گار کنت۔ آئی ءَ گوشت کہ ایم ڈی اے پی پی ءِ ھاسیں کوشست آں چہ اے پی پی ءِ ڈیجیٹلائزیشن، نوکیں ٹیکنالوجی ءَ گوں نزیکی ءُُ دیمروئی ءِ واستہ گامگیج چست کنگ لائک ءِ ستا انت، راجی ھال رسانکی ادارگ ءِ سرجمیں دگنیا ءَ نیوز ایجنسیز آنی گوما رابطہ کنگ ءِ سفر ءِ کشک ءَ رھادگ انت، اے ادارگ ءَ را سرجمیں رنگ ءَ کزبی کار کنوک آنی واستہ لائک ءُُ زانتکاریں سٹاف ممبر آناں دیم ءَ گام جنگ ءِ گیش گہتریں موہ پجارینگ بیت۔ آئی ءَ گوشت کہ مزن وزیر عمران خان ءَ اے پی پی ءَ را جوانیں بروردیں درچک ءِ بستار ءَ چارگ لوٹ ایت، اے پی پی انچیں نرسری یے بہ بیت کہ سرجمیں ملک ءَ چہ ماس کمیونیکیشن ءِ وانوکیں نودربر انٹرشپ ءِ واھشت ءِ رد ءَ ادا بیا اَنت ءُُ کزبی کار ءِ سکگ ءِ واستہ جوانی ءَ گوں کار بہ سک اَنت۔ ایم ڈی اے پی پی ڈاکٹر طارق محمود خان ءَ گوشت کہ 30سال ءَ چہ دگنیا ءَ میڈیا ءِ شوبگ ءَ آشوبی مٹ ءُُ بدلی پیداک انت، اے پی پی ءَ را نوکیں لوٹ آنی رد ءَ آرگ ءِ واستہ ، ڈیجٹیلائزیشن، سوشل میڈیا ءُُ ایندگر شوبگ آنی تہ ءَ ترندی ءَ گوں کار جاڑی انت۔ اے پی پی ءِ اھوال کاراناں ھیل کاری ھم دیگ بوھگ ءَ انت۔ آئی ءَ گوشت کہ مئے اولی کار انت کہ جوانیں کار، پریس کانفرنسز، ایونٹس آنی ھال آناں زوتیں رنگ ءَ شنگ ءُُ تالان کنگ بہ بیت اے رد ءَ سافٹ وئیر ھم تیار کنگ بوتگ، انگلش رپورٹنگ ءِ واستہ اے سافٹ وئیر ءِ سر ءَ کار ھم ترندی ءَ جاڑی انت۔ آئی ءَ گوشت کہ مزن وزیر عمران کان ءُُ مزن وزیر ءِ ھاسیں کمکار ڈاکٹر فردوس عاشق اعوان ءِ داتگیں پنت ءُُ شون ءِ رد ءَ ادارگ ءَ ڈیٹابیس ءِ تیاری، ای فائلنگ ءُُ نیوبزنس ماڈل ءِ سر ءَ کار ترندی ءَ گوں جاڑی انت۔ اے پی پی ایچ نائن ءَ میڈیا سٹی جوڑ کنگ ءِ ارادگ ءَ دار ایت ایشی ءِ سر ءَ ھم ہوم ورک جاڑی انت، اے ایف پی ءُُ سی این این ءَ را ون آن ون سروس پجارینگ بوھگ ءَ انت۔ اے موہ ءِ سر ءَ مزن وزیر ءِ ھاسیں کمکار ڈاکٹر فردوس عاشق اعوان ءَ افتخار حسین نقوی، نجم الحسن،نعیم خان نیاز، سعیدہ ارم، ساجد فاروق، فخر امام، ارشاد شیخ، امتیاز احمد، عبدالقدوس، شوکت علی چانڈیو، شکیل محمد، ذین علی جاوید، شفقت اللہ خان، عابد محمود چوہدری، شیراز حیدر، محمد شفیق، علی حسن، جاوید عارف، غلام فرید، شیخ عبدالرزاق، یاسر عرفات ءُُ شاہد احمد ناز ءَ را وتی وتی شوبگ ءَ جوانیں کار کرد آنی پد ءَ ایوارڈ داد کت۔ اے پی پی ءِ راجدپتر ءَ ایش اولی موہ انت کہ راجی تک ءَ ادارگ ءِ واستہ رپورٹنگ ءُُ ایڈیٹنگ ءَ ھوار جتا جتائیں شوبگ آنی تہ ءَ جوانیں کار کرد ءِ بنیات ءَ آواناں ایوارڈ دیگ بوتگ۔ اے ایوارڈ ناں ایوک ءَ اے پی پی ہیڈ کوارٹرز بلکینگ ءَ صوبائی تک ءَ ھم توامیں بیوروز ءُُ سٹیشنز آنی تہ ءَ جتا جتائیں کیٹیگریز آنی تہ ءَ کار کرد آنی درشان کنوکیں اھوالکار ءُُ ایندگر اسٹاف آناں دیگ بنت۔