مزن وزیر عمران خان ءِ سروکی ءَ بنجاہی کابینہ ءِ دیوان
تہی کارانی وزارت ءِ ایگزٹ کنٹرول لسٹ ءِ تہ نامانی مان کنگ ءُُ درکشگ ءِ ھوالہ چہ تجویز،جان رکھگ ءِ درمان ءِ نہادانی کیمت ءِ تہ 15درسد کمی،لین آف کنٹرول ءِ سرا نشتگیں مردمانی ھاترا ھاسیں پیکیج،ریئر ایڈمرل ذکاء ارحمان ءَ را جنرل مینجر (آپس) کراچی پورٹ ٹرسٹ ایر کنگ ءِ ھوار دگہ ادارگہانی سروکانی ءُُ بورڈ باسکانی تعیناتی ءِ منظوری داتگ
ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءِ ھاسیں کمکار جان سلامتی ظفر اللہ خان ءِ ہمبراہ بنجاہی کابینہ ءِ دیوان ءِ پدا میڈیا ءَ را سرپدی
اسلام آباد۔ 24 دسمبر (اے پی پی) بنجاہی کابینہ ءَ وی آئی پی مردمانی نام ای سی ایل ءَ چہ در کشگ ءِ دزبندی یکسر رد کتگ،کابینہ ءِ جہلی کمیٹی ءَ وی آئی پی مردمانی نام کشگ ءِ مخالفت کتگ ایشی ءِ بنجاہی کابینہ ءَ تپاکی ءَ گوں توسیپ کتگ، کابینہ ءَ ملک ءِ تہ یک دگہ کانودءِ اطلاق ءِ سرا تپاک کتگ،بنجاہی کابینہ ءَ تہی کارانی کارگس ءِ نیمگا چہ ایگزٹ کنٹرول لسٹ ءِ تہ نامانی مان کنگ ءُُ در کشگ ءِ ھوالہ چہ تجویز،جان رکھگ ءِ درمان ءِ نہادانی تہ 15درسد کمی،لین آف کنٹرول ءِ سرا نشتگیں مردمانی ھاترا ھاسیں پیکیج،رئیر ایڈمرل ذکاء الرحمان، ہلالِ امتیاز (ملٹری)ءَ را جنرل منیجر (آپس) کراچی پورٹ ٹرسٹ تعینات ءِ ھوار دگہ ادارگہانی سروکاں ءُُ بورڈ باسکانی تعیناتی ءِ منظوری داتگ، حکومت ءَ آمیدگسی پیسلہ ءِ احترام کنگ انت،استیں حکومت پرچی ءُُ واھشتانی سرا نہ آئین ءُُ کانود ءِ سرا چلگ انت۔مزن وزیر عمران خان نیڈرگ ریگولیٹری اتھارٹی (ڈریپ) ءِ معاملات ءِ سنجیدگی ءَ گوں جائزگ گرگ ءِ ھاترا زور داتگ تنکہ ادارگ چہ کرپشن ءِ ھلاسی ءَ را سدکی جوڈ کنگ بیت۔سئے شمبے ءَ مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ مزن وزیر ءِ ھاسیں کمکار ظفر اللہ ءِ ہمبراہ مزن وزیر وزیر عمران خان ءِ سروکی ءَ بنجاہی کابینہ ءِ دیوان ءِ پدا میڈیا ءَ را بریفنگ دیان ءَ گوشتگ کہ بنجاہی کابینہ ءَ اقتصادی رابطہ کمیٹی ءِ دیوان 12دسمبر2019ءِ تہ کتگیں پیسلہءِ توسیپ انت،کابینہ ءَ حامد ہارون (ملٹری لینڈز اینڈ کینٹونمنٹ /بی ایس 22)ءَ را ٹوھیں ممبر فیڈرل لینڈ کمیشن تعینات کنگ ءِ منظوری داتگ۔کابینہ ءَ فرخ اقبال خان ءَ را صدر/سی ای او فرسٹ وویمن بنک لمیٹڈ، عرفان بخاری ءَ را چیف ایگزیکیٹو آفیسرایگزم بنک آف پاکستان تعینات کنگ ءِ منظوری داتگ۔کابینہ ءَ ہاؤس بلڈنگ فنانس کمپنی لمیٹڈ ءِ تہ بنجاہی حکومت ءِ شیئرز بہا کنگ ءِ معاملہ اقتصادی رابطہ کمیٹی ءَ را دیم داتگ۔ ای سی سی ءِ منظوری ءِ پدا کابینہ ءِ نیمگا منظوری دیگ بیت۔کابینہ ءَ چئیرمین ءُُ ممبران نیشنل کمیشن فار ہیومن رائٹس ءِ تعیناتی ءِ ھاترا کابینہ ءِ جہلی کمیٹی جوڈ داتگ ہمہ کہ مجوزہ ناماں چہ موزوں مردمانی گچینی کنان ءَ راجی اسمبلی ءِ تہ قائد حزب احتلاف ءَ گوں شیئر کن ایت۔کابینہ ءَ ڈاکٹر توقیر احمد، چیف فنانس اینڈ اکاؤنٹس آفیسر ءُُ محمد ایوب، ڈائریکٹر لیگل وزارت انفارمیشن ٹیکنالوجی ءَ را ممبران بورڈ آف ٹرسٹیز پاکستان ٹیلی کمیونیکیشن ایمپلائیز ٹرسٹ ءِ بستار ءَ تعینات کنگ ءِ منظوری داتگ انت۔ کابینہ ءَ مدنظر ایر کنان ءَ کہ چونکہ بورڈ آف ٹرسٹیز ءِ اَستیں وھد 27جنوری ءَ ھلاس بوھگ انت لہٰذہ کابینہ ءَ جوائنٹ سیکرٹری (ایڈمن) وزارت انفارمیشن ٹیکنالوجی ءُُ ڈائریکٹر لیگل ءِ دوبر تعیناتی ءِ منظوری ھم داتگ۔ کابینہ ءَ پاکستان سپورٹس بورڈ ءُُ ایگزیکیٹو کمیٹی ءِ ازسر نو تشکیل ءُُ کانودءِ تہ بدلی ءِ منظوری داتگ۔ پاکستان سپورٹس بورڈ ءِ بورڈ یازدھ باسکاں ھوار انت۔ اے باسکانی سیادی جندی تک ءَ گوں بیت۔
