مزن وزیر عمران خان ءِ سعودی عرب ءِ التمیمی گروپ آف کمپنیز ءِ چیئرمین شیخ طارق علی عبداللہ التمیمی ءَ گوں گند ءُُ نند ءَ تران

اسلام آباد۔ 24 دسمبر (اے پی پی) مزن وزیر عمران خان ءَ گوں سعودی عرب ءِ التمیمی گروپ آف کمپنیز ءِ چیئرمین شیخ طارق علی عبداللہ التمیمی ءَ سئے شمبے ءَ گند ءُُ نند کت۔ گند ءُُ نند ءِ ساھت ءَ مشیر ءِ تجارت عبدالرزاق داؤد ءُُ کلانہ ایں کارندہ ھم اے موہ ءِ سر ءَ ساڑی اتنت۔ مزن وزیر عمران خان ءَ شیخ طارق علی عبداللہ التمیمی ءَ را وش اتک کنان ءَ گوشت کہ حکومت ءِ نیمگ ءَ کاروبار ءِ تہ ءَ آسانی پیداک کنگ ءِ ھوالگ ءَ کتگیں گامگیج ءُُ جوانیں سرمایہ کاری ءِ واستہ ون ونڈو آپریشن ءِ آسراتی ءِ ھوالگ ءَ سرپد کت۔ مزن وزیر ءَ گوشت کہ پاکستان ءَ 12موسم بنت ایش کشت ءُُ کشار، فروٹ ءُُ ڈیری فارم ءُُ فشریز ءِ پیدوار ءِ واستہ جوانیں انت۔ عمران خان ء۔ گوشت کہ حکومت جندی سرمایہ کاری ءِ کمک ءَ ڈن ءَ سامان ءِ روان دیگ ءِ تہ ءَ گیشی ءِ واستہ ریسرچ ءُُ دیمروئی ءِ پڑ ءَ دلگوش انت۔ آئی ءَ گوشت کہ پاکستان منی دوست یں گس انت۔ مزن وزیر ءَ التمیمی گروپ ءِ پاکستان ءَ فوڈ پراسیسنگ، ڈیری اینڈ لائیو سٹاک ءُُُ گوشت ءِ پراسیسنگ ءِ شوبگ ءَ سرمایہ کاری ءَ واھشت داری ءَ را وش اتک کت۔