مزن وزیر عمران خان ءِ پاکستان پوسٹ ءِ وسیلگ ءَ زرّ ءِ روان دیگ ءِ سیکم ءِ بنگیجی مراگش ءَ گشتانک

اسلام آباد۔ 24 دسمبر (اے پی پی) مزن وزیر عمران خان ءَ گوشت کہ کانودی رپک، بینکنگ چینل یا پاکستان پوسٹ ءِ وسیلگ ءَ زرّ ءِ پاکستان ءَ روان دیگ ءِ پڑ ءَ ملک ءَ چہ ڈن نندوکیں مردم آناں آسراتی دیاں، میرٹ ءِ رد ءَ نظام کامیات بنت، پی آئی اے ءَ ھوار ایندگر ادارگ آنی تہ ءَ گہتری آرگ ءِ واستہ جزمیگ آں۔ اے ھیا لانی درشانی آئی ءَ سئے شمبے ءَ پاکستان پوسٹ ءِ وسیلگ ءَ زرّ ءِ روان دیگ ءِ سکیم ءِ بنگیجی مراگش ءَ گشتانک دیان ءَ کت۔ مزن وزیر عمران خان ءَ گوشت کہ ڈن ملک ءَ نندوکیں مردم ھمک سال یک دو رند ءَ وتی ھاندان ءَ گوں گند ءُُ نند ءَ کاینت، مارا ایشانی شرپ کنگی انت چیا کہ اے مئے مڈی انت۔ آئی ءَ گوشت کہ توامیں سفارتخانہ آناں پنت ءُُ شون کتگ کہ ڈن ملک ءَ نندوکیں پاکستانی وتی ازمت ءِ کمائی ءَ چہ پاکستان ءَ زرّ روان دیاں۔ مزن وزیر عمران خان ءَ گوشت کہ ڈن ملک ءَ نندوکیں پاکستانی وتی ازمت ءِ کمائی ءَ چہ پاکستان ءَ زرّ روان دیاں، ایشانی زرّ روان دیگ ءِ تہ ءَ ملکی معیشت ءَ ارزشتی نپ رسیت۔ مزن وزیر ءَ گوشت کہ پی آئی اے ءَ ھوار ایندگر ادارگ آنی تہ ءَ گہتری آرگ ءِ واستہ جزمیگ آں، گوستگیں سال مشکلیں سالے بوتگ، معیشت ءِ ھوالگ ءَ بازیں چیلنجز است ایشانی تہ ءَ ڈن ءَ سامان روان دیگ ءِ پڑ ءَ گیشی ءُُ ڈن ءَ چہ سامان ءِ آرگ ءِ تہ ءَ کمکی ھوار انت، 2019ءَ معاشی برجائی ءِ واستہ کوشست کت، 2020 ءَ پاکستان دیمروئی کنت، معیشت دیمروئی کنت، الس ءِ واستہ مزدگری ءِ موہ پیداک بنت، احساس پروگرام ءِ وسیلگ ءَ گریبی ھلاس کنگ ءَ کمک رسیت۔ مراگش ءَ گوں بنجاھی وزیر برائے رسانک مراد سعید ھم گشتانک دات۔