اسلام آباد۔ 24 دسمبر (اے پی پی) بنجائی وزیر موسمیاتی بدلی زرتاج گل پارینے کہ گلیشیئر نا اہمیت نا بابت شعور و آگاہی تالان کننگ نا گرج ءِ تدوک آ دور اٹی گلیشیئر نا دیرمننگ آن دوئی مروک آ دیر انا جوان کاریم اٹ اتنگ کن حکمت عملی اس کننگتو موسمیاتی بدلی نا سوب گلیشیئر ترندی اٹ دیرمننگ ءِ، ننے داوسیلہ غاتے ملکی شونداری کن کاریم اٹ اتوئی مریک، گلیشیئر نا دیر ءِ خراب مننگ آن بچفنگ کن ننے اجتماعی زمواری تے پورو کروئی مریک۔ اے پی پی تون گپ وتران کرسا اوپارے کہ گلیشیئر قدرت نا انمول ءُ ٹیکی اسے ہرادے زیان مننگ آن بچفنگ کن ننے جوان و وخت آ حکمت عملی اس تیار کروئی مریک بدبختی اٹ مستین نا حکومت آک دا بابت سنجیدہ گام گیج کتوس ہنداسوب ءِ کہ ہزار آ مربع فٹ دیر سمندر اٹی ہنسا زیان مننگ ءِ۔ اوپارے کہ سیل و سوات کن ہنوک آ بندغ آک زمواری نا درشانی ءِ کرسا گلیشیئر آتے کچٹ کننگ آن بایدے پاریز کیر انتئے کہ داننکن نہادی ءُ میرات اسے۔ بنجائی وزیر پارے کہ گلیشیئر نا دیرمننگ آن بروک آ نوکاپ آتا بھس کاری آن آبادی تے بچفنگ کن الارمنگ ٹیم اس جوڑ کننگانے ہر پورو وڑاٹ تیار ءِ۔
