لاہور۔ 24 دسمبر (اے پی پی) بنجائی وزیر ریلوے نا پارت آ ریلوے انتظامیہ ودکی رش انا رداٹ و کرسچن کمیونٹی نا آسراتی کن اینو 25 دسمبر آن ہلیس 29 دسمبر اسکان راولپنڈی آن کراچی کینٹ کرسمس اسپیشل ریل اس چلیفنگ نا فیصلہ کرینے۔ سرجم حوال آتا رداٹ دا ریل 25و 28 دسمبر آ راولپنڈی آن سہب انا 10 بجہ غا راہی مرسا گجر خان، جہلم، لالہ موسیٰ، گجرات، وزیر آباد،گوجرانوالہ، لاہور، قلعہ شیخوپورہ، فاروق آباد، سانگلہ ہل، فیصل آباد، گوجرہ، ٹوبہ ٹیک سنگھ، شورکوٹ کینٹ، خانیوال، ملتان، بہاولپور، خانپور، رحیم یار خان، صادق آباد، گھوٹکی، روہڑی، شکارپور، نواب شاہ و لانڈھی ریلوے اسٹیشن آ اسٹاپ کرسا بروک آ دے دے انا 11 بجہ ءُ 55منٹ آ کراچی کینٹ آ سرمریک۔ ہنداوڑ کراچی کینٹ آن دا ٹرین 26و 29 دسمبر آ شام انا 6بجہ ءُ 35منٹ آ راہی مرسا بروک آ دے نن نا 10 بجہ ءُ 45منٹ آ راولپنڈی آ سرمریک۔ کرسمس اسپیشل ٹرین 8 اکانومی کلاس کوچز 2 اے سی سٹینڈرڈ اسہ بریک ون و اسہ پاور وین اسے آ تالان مریک۔
