اسلام آباد۔ 24دسمبر (اے پی پی) وزیراعظم نا سرسہب ورناپروگرام (پی ایم وائی اے پی) نارداٹ 100 ارب روپئی جتا کننگانے ہراڑان 10 لکھ ورناتے آسان شڑت آتیا وام تننگک تانکہ او تینا کاریم اسے نا بناءِ کننگ کیر، پروگرام آن ورناتے وتواجہ جوڑ کننگ اٹ کمک رسینگک۔ پی ایم وائی اے پی نا کمامدارآتارداٹ دا منفرد پروگرام نا مسخت ملک انا ورناتے اڑزان وام تا فراوانی آن روزگار نا پوسکن ءُ وارخواہی ودی کننگ ناءِ۔ اوپارے کہ ہر ورنا 50 ہزار روپئی آن 50 لکھ روپئی نا وام تیکن درخواست تننگ کیک ہرا آسان قسط آتے ٹی قابل واپسی مریرہ۔ اوپارے کہ سرسہب ورنا پروگرام نا رداٹ آخبت اٹی ہم مچ آ ملک انا ورناتے کن پین کیہی اسکیم تے درستی راستی کرفنگک۔ اومستی پارے کہ دا پروگرام پاکستان تحریک انصاف نا ملک انا ورناتے شونہال کننگ نا وعدہ نا پوروی نا کنڈا اولیکو گام ءِ۔
