اسلام آباد۔ 24 دسمبر (اے پی پی) محکمہ موسمیات نا رداٹ بروک آ 24گھنٹہ ٹی پنجاب و بڑزکوسندھ انا گیشتر میدانی علاقہ وخت اس کہ خیبر پختونخوا نا گڑاس ضلع غاتے ٹی سہب و شام انا وخت آتے ٹی گوتلو نا برجاسلنگ نا گمان ءِ ولے ملک انا ایلو علاقہ غاتے ٹی موسم یخ و بارُن وخت اس کہ بڑزکو علاقہ غاتے ٹی جمری مننگ نا گمان ءِ۔ داوخت آ خیبر پختونخوا و خطہ پوٹھوہار اٹی کہر مننگ نا ہم گمان ءِ۔ رپورٹ نا رداٹ تدوک آ 24گھنٹہ ٹی ملک انا زیات تر علاقہ غاتے ٹی موسم خشک و یخ وخت اس کہ بڑزکو علاقہ غاتے ٹی بھاز یخ ئس۔ سے شنبے نادے آ ریکارڈ کروک آ کم آن کم درجہ حرارت نا رپورٹ نا رداٹ سکردو ٹی درجہ حرارت منفی 13ڈگری سینٹی گریڈ اسکان کم مس وخت اس کہ گوپس، استور اٹی درجہ حرارت منفی 9، قلات، بگروٹ منفی 7، کالام منفی 6، پاراچنار، گلگت منفی 5، کوئٹہ، مالم جبہ منفی 4، و ہنزہ ٹی منفی 3 ڈگری سینٹی گریڈ ریکارڈ کننگانے۔
