اسلام آباد ۔ 23 دسمبر (اے پی پی) صدر مملکت ڈاکٹر عارف علوی ءَ کرسچن نیک راھ ءَ گوں سیادی داروکیں مردم آناں مبارک بات دیان ءَ گوشت کہ پاکستان ءَ درئی نیک راھ ءَ گوں سیادی داروکیں مردم آناں سرج میں نیک راھی آزاتی ءُُ ھمکچیں ھک است انت ۔ اسلام ءَ دومی نیک راھ آنی واستہ سگ ءِ سبک داتگ ۔ اے ھیالانی درشانی آئی ءَ دو شمبے ءِ روچ ءَ ایوان ءِ صدر ءَ کرسمس مراگش ءَ گشتانک دیان ءَ کت ۔ صدر ءِ مملکت ءَ گوشت کہ پاکستان ءِ جوڑیشت ءَ توا میں تبک ءُُ نیک راھ آں گوں سیادی داروکیں مردم آں بھر زوری کتگ، پاکستان ءِ جوڑیشت ءَ چہ پیسر قائداعظم محمد علی جناح ءَ پڑے مردم آنی گوما سوگند کتگ کہ ادا ایشاناں توا میں نیک راھی آزاتی است انت ۔ آئی ءَ گوشت کہ پاکستان ءَ درئی نیک راھ آنی منوک آناں سرج میں آزاتی است انت، بنجاھی ءُُ صوبائی حکومت یکجائی ءَ نیک راھ آنی منوکیں مردم آنی ھک آنی رکھینگ ءَ دل یکیمی جوڑ کنگ ءَ انت ۔ من درئی نیک راھ آنی منوک آنی ھک آنی رکھینگ ءِ زامنی ءَ دیاں ۔ آئی ءَ گوشت کہ نبی کریم ﷺ ءُُ توا میں بنی آنی داتگیں زانشت آنی منگ اسلامی سبک آنی بھر انت، ھمے رنگ ءَ نیک راھ آنی گوما یکوئی مئے نیک راھ ءِ بھر انت ۔ آئی ءَ گوشت کہ حضرت عیسی ;174; ءَ محبت ءِ کلوہ شنگ ءُُ تالان کتگ ۔ آئی ءَ گمیگ آنی گوما گم جتی ءَ ھوار کپگ ءِ کلوہ داتگ ۔ بنجاھی وزیر نیک راھی کار پیر نور الحق قادی ءَ ھم اے مراگش ءَ گشتانک دات ۔ اے موہ ءِ سر ءَ صدر ءِ مملکت ڈاکٹر عارف علوی ءَ شریکیں مردم آنی گوما کرسمس ءِ کیک کپ کت ۔
